📌 Суретте шаршы, үшбұрыш, тіктөртбұрыш, шеңбер және зигзаг бейнеленген. Берілген пішіндердің арасынан өзіңізге ұанаған біреуін таңдаңыз. Бұл сіздің тұлғалық қасиеттеріңізді айқындауға көмектеседі.
1️⃣ Таңдауы шаршыға түскен жандар өте табанды әрі еңбекқор болып келеді. Олардың ерік-жігері мықты және жауапкершілігі жоғары. Сондықтан бастаған ісін міндетті түрде соңына дейін жеткізеді.
🟩 Көп жағдайда мұндай адамдар интроверт болады. Сол себепті араласатын ортасы, достары аз. Олар байқампаз әрі ойлау қабілеті жақсы дамыған. Тазалықты жаны сүйеді. Реттілікті жақсы көреді. Алайда аталған қасиеттері кәсіби өмірінде жетістікке жеткізгенімен, жеке өімірінде кедергісін келтіруі мүмкін.
2️⃣ Ал үшбұрышты нағыз көшбасшылар таңдайды. Олар кез келген істе батылдық таныта біледі. Сондықтан тәуекелге көп барады. Сонымен бірге жігерлі, өзіне сенімді, жағдайды байсалды бағамдай алады.
🔼 Қандай да бір мәселеде ақылмен шешім қабылдап, сыни көзқарас таныта алады. Өмірдің барлық саласында соңғы түйінді өздері қояды. Қабылдаған шешімдерін өзгертпейді және өз қателіктерін мойындауды білмейді. Өмір бойы көш басында болуы үшін, өзгелермен бақталасып өтеді.
3️⃣ Тіктөртбұрышты таңдаған жандардың көп жағдайда көңіл күйі тұрақсыз, құбылмалы болады. Олар өз-өзін бақылауда ұстай алмайды. Сол себепті бірде көл, бірде шөл болып жүреді. Алайда ізденістері жоғары, көп нәрсе білгенді ұнатады.
⬇️ Бір кемшілігі өздерін бағалауы төмен. Сондықтан сенімсіз, сенгіш болып келеді. Кез келген істе тиянақсыздық танытады. Дау-дамайды ұнатпайды әрі көпшілік ортадан қашады.
4️⃣ Таңдауы шеңберге түскен жандар әрдайым үйлесімділікке ұмтылады. Сол себепті олар жұмыс барысында, үй жағдайында жағымды әрі қолайлы аураға ерекше назар аударады. Әңгіме айтқанды ұнатады әрі өзгелерді де жақсы тыңдай алады. Келіссөз жүргізуге қабілетті болғандықтан, біреуді көндіру қиынға соқпайды.
🔵 Достары көп, көпшіл. Сонымен қатар түйсігі жақсы дамыған. Бір кемшілігі өте сенгіш және тез шешім қабылдай алмайды. Мұндай жандар өте сезімтал болғандықтан, психологиямен айналысуларына болады.
5️⃣ Зигзаг пішінін таңдаған жандар шығармашылыққа жақын болып келеді. Олардың қиялы ұшқыр әрі кез келген іске креативпен қарай алады. Көбіне білімге құштар, идеяларына адал болады. Сондай-ақ болашаққа позитивті көзқарасы қалыптасқан жандар.
🔀 Ішкі түйсігі жақсы дамыған, жаңа өзгерісстерге қызығушылығы жоғары болады. Олар шығармашыл болғандықтан, қағаз жұмыстарын ұнатпайды.
Ал сіздің таңдауыңыз қай пішінге түсті? Жаза кетіңіз)
