Жалқаулық адамды денсаулықтан да, байлықтан да айырады — Роберт
🖊️ Роберт Кийосаки – америкалық кәсіпкер, инвестор, мотивациялық баяндамашы, өзін-өзі дамытуға арналған бірнеше кітаптың авторы, педагог және Yahoo Finance қаржы шолушысы. Ол жеке қаржы және бизнес саласында білім беретін Rich Dad білім беру компаниясының негізін қалаушы, сондай-ақ қаржы сауатын үйретуге арналған Cashflow ойынының авторы. Кийосаки “Бай әке, Кедей әке” кітабының арқасында әлемге танымалдығы артты.
✔️ Кәсіпкердің жетістік жолы
Роберт Кийосаки мұғалімдер отбасында дүниеге келген. Оның әкесі философия ғылымдарының докторы және Гавайи штатының білім министрі болған. Ол – Америкаға көшіп келген жапондықтардың төртінші ұрпағы. Орта мектепті бітірген соң, Роберт білімін Нью-Йорк қаласында жалғастырды. Кейін АҚШ теңіз жаяу әскерінің корпусында және Вьетнамда әскери ұшқыш ретінде қызмет етті.
📌 Әскери қызметтен кейін Кийосаки Xerox корпорациясында сауда агенті болып жұмыс істеді. Ал 1977 жылы өз кәсібін бастап, алғаш рет тері мен нейлоннан жасалған шағын бұйымдар сататын компаниясын құрды. Оның өнімдерінің арасында серфингпен айналысатындарға арналған әмияндар да болды.
📌 1985 жылы Кийосаки іскерлік мансабын тоқтатып, жазушы Шерон Л. Лектермен бірге студенттерге бизнес және инвестиция туралы білім беретін “Rich Dad’s Organization” халықаралық компаниясын құрды.
📌 47 жасында ол әлемдік бестселлерге айналған “Бай әке, Кедей әке” кітабын жазды. Кейін “Ақша ағымының квадраты” және “Бай әкенің инвестиция жөніндегі басшылығы” атты еңбектері жарық көрді. Бұл үш кітап та “Wall Street Journal”, “BusinessWeek” және “New York Times” басылымдарының ең көп сатылған кітаптар тізіміне енді. Алғашқы еңбектерінде Кийосаки “тышқан дөңгелегінен” шығудың қаржылық әдістерін ұсынса, кейінгі кітаптарында бизнес этикасы тақырыбына көбірек көңіл бөле бастады.
📌 Роберт Кийосакидің шабыт беретін ойлары
✅ Бүгінде менің бай болуымның құпиясы бос уақытымда “немен айналысқаныммен” байланысты.
✅ Қазіргі жағдайыңызды өзгерткіңіз келсе, ең алдымен ойыңызды өзгертіңіз.
✅ Ақша үшін жұмыс істеген адам – оның құлына айналады. Ақша үшін жұмыс істемеңіз, керісінше ақшаны өзіңізге жұмыс істетіңіз.
✅ Өмірде бұрын-соңды болмаған нәрсеге қол жеткізу үшін, бұрын жасамаған әрекетіңізді жасаңыз.
✅ Дене жаттығулары денсаулыққа пайдалы болса, ақыл-ой жаттығулары бай болуға көмектеседі. Есіңізде болсын, жалқаулық адамды денсаулықтан да, байлықтан да айырады.
✅ “Ертең” деген сөзді жиі қолданатындар – әдетте кедей, бақытсыз әрі денсаулығы нашар адамдар.
✅ Бастыққа немесе ірі компанияға жұмыс істеу ақша мәселесін шешпейді.
✅ Қазіргі қоғамның ең үлкен қаупі – әрекетсіздік.
✅ Мектептер жұмыс берушілерді емес, сенімді жұмысшыларды дайындайды.
✅ Сәби бір рет те құламай жүріп кете алмайды, өйткені біз жүруді құлай-құлай үйренеміз. Бизнестің жолы да дәл солай. Неліктен қоғамның көп бөлігі ауқатты адамдардан тұрмайды? Өйткені олар сәтсіздіктен қорқады. Ал жеңіс тұғырынан көрінгендер жеңілістің дәмін татып көргендер. Сәтсіздік – жетістікке жетудің бір бөлігі. Сәтсіздіктен қорқатын адам ешқашан табысқа жете алмайды.
