20–26 қаңтарға арналған апталық қаржылай жұлдыз жорамал
♈️Қаржыңыз жоқ кезде де қиындық көрмейсіз! Бұл апта тосын сыйларға толы: ескі күртешеңіздің қалтасынан 10 000 теңге тауып алуыңыз мүмкін немесе басшыңыздан сыйақы алуыңыз ықтимал. Алайда жұлдыздар ескертеді: тапқаныңызды тек кофе мен лотерея билеттеріне жұмсап жібермеңіз.
♉️Торпақтар, сіздер үнемдеудің нағыз шеберісіздер. Тіпті жеңілдіктер сіздің пайда іздеуіңізге таңданыспен қарайды. Бірақ абай болыңыз: жеңілдікке алданып, асүйге қажетсіз миксер сатып алуыңыз мүмкін. Ал ол сізге мүлдем керек емес болуы ғажап емес.
♊️Сіздің қаржыңыз – тербеліп тұратын әткеншек сияқты: бірде жоғары, бірде төмен. Егер қажетсіз жазылымдарды сатып алуды жалғастырсаңыз, осы аптада төменге түсу қаупі бар. Жұлдыздардың кеңесі: бюджетті жоспарлау – ойдан шығарылған ертегі емес, оны жасап көруге тырысыңыз.
♎️Шаяндар, үнемшілдігіңіз бұл жолы өз пайдасын әкеледі! Бірақ ұмытпаңыз: ақша – тек жинау үшін ғана емес. Кейде өзіңізге қуаныш сыйлап, бір бөлігін жұмсаудан қорықпаңыз. Мысалы, дәмді торт алып, өзіңізді еркелетіңіз.
♍️Әрдайым назарда болуды қалайтын арыстандар қаржы мәселесінде де ерекшеленгісі келеді. Алайда бұл аптада жаңа сөмкеге қанша қаражат жұмсағаныңызды мақтан тұтпағаныңыз дұрыс, әсіресе картаңызда 1000 теңге ғана қалса. Шығынды емес, мүмкіндіктерді іздеңіз.
♌️Бикештер, сіздің қаржылай данышпан жоспарыңыз осы аптада іске асуы мүмкін. Бірақ жұлдыздар ескертеді: картаңыздағы балансты бес минут сайын тексеруді доғарыңыз – ол бұдан көбеймейді.
♓️Таразылар, тепе-теңдік сіз үшін маңызды. Бірақ қаржы мәселесі ойдағыдай емес. Егер осы аптада қандай да бір іске ақша салуды шешсеңіз, есіңізде болсын: қымбат заттың бәрі сапалы емес. Айтпақшы, ресторандағы кешкі астың бағасымен тең шамдарды сатып алудың қажеті жоқ.
♏️Сіз тек адамдарды емес, ақшаны да магнитше тартасыз. Дегенмен барлық қаражатыңызды “сиқырлы” заттарға немесе бақыт сыйлайды деген гаджеттерге жұмсап жібермеңіз. Қаржыға абай болу керек, ал сиқыр мұнда көмектеспейді.
♐️Бұл апта шығындарыңызды қайта қарауға себеп болады. Күн сайын дайын асқа тапсырыс беруді доғаратын уақыт келді. Иә, бұл оңай емес, бірақ үйде тамақ пісіру әлдеқайда үнемді. Жұлдыздар айтады: осылайша арманыңызға тезірек қол жеткізе аласыз.
♑️Тауешкілер, әдеттегідей, миллиондаған жоспар құруда. Бірақ ескеріңіз: әрекетсіз арман – жай ғана қиял. Нағыз табысыңызды арттыруға күш салыңыз, ал “сиқырлы” курстарға көп ақша жұмсаудың қажеті жоқ.
♒️Сіздің қаржыға қатысты идеяларыңыз кей жағдайда ерекше көрінгенімен, көбіне нәтиже береді. Бұл аптада тәжірибе жасаудан қорықпаңыз. Бірақ бар ақшаңызды акция немесе криптовалютаға салмаңыз: нанға да қалдыруды ұмытпаңыз.
♋️Балықтар, сіз ақшамен тым оңай қоштасасыз, сондықтан жұлдыздар да алаңдай бастады. Осы аптада кем дегенде бір рет артық шығындарға “жоқ” деп айтып көріңіз. Әсіресе тағы біреу сізді кафеге шақыратын болса, қаржыңызды есепке алғаныңыз жөн.
Ескерту: жұлдыз жорамал тек ойын-сауық және кеңес беру мақсатында жасалады. Қаржы мәселесінде шешім қабылдағанда ақылға жүгініп, жағдайды ескеріңіз.
#жұлдызжорамал #гороскоп #гороскоп2025
