Қайда тегін баруға болады?(1,2 маусым)

Автор: редактор 01 Маусым, 2024


Құрметті оқырмандар! #Үйдежатпа ұжымы арнайы сіздер үшін осы демалыс күндері Алматы мен Астана қалаларында тегін баруға болатын іс-шаралар топтамасын дайындап қойды. Ал басқа қалалардан ақпарат болмағандықтан, өз өңіріңізде болатын қызықты шараларды пікірде бөлісе аласыз.

АЛМАТЫ:

«Бар мейіріміміз балаларымызға» балалар мұражай мерекесі

Мұнда сіз экскурсияларды, спектакльдерді және концерттерді тамашалай аласыз. Шара аясында балаларға киізден әшекей бұйымдарын жасау, “Каттама-Құрақ” әдісімен кулондар жасау, жібектен сурет салу, гүл шоқтары мен жүн моншақтарды жасау бойынша шеберлік сабақтары өтеді. Балалар көркемсурет мектебінің мұғалімдері акварель бояуы мен пластилинографиямен таныстырады.

Орны: ҚР орталық мемлекеттік мұражайы, Самал-1, Д. 44 ш / а.
Күні: 1 маусым, 11:00-15:00

Aport Family Day

Мұнда балаларға арналған концерт, аниматор шоулары, әртүрлі шеберханалар, қызықты спорттық эстафеталар өтіп, тәтті тағамдар беріліп, бүкіл отбасыға арналған сыйлықтар табысталады.

Орны: Ташкент жолында орналасқан «Апорт» сауда орталығы және Құлжадағы Aport Mall East
Күні: 1 маусым, 12:00-16:00

Балаларға арналған «Мұражай детективі» сабағы

Балалар Мәскеудегі Третьяков галереясының коллекциясынан суреттер туралы детектив әңгімелерді тыңдай алады. Әр өнер туындысының ашылмаған жұмбақ құпиясы бар. Ал қатысушылар мұны мұражай мамандарымен бірге ашады!

Орналасқан жері: Art Lane, Гоголь көшесі, 15
Күні: 1 маусым, 15:00

«Тыныш бөлме» көрмесі

Бұл көрмеде әр адам тұрмыстық әрі гендерлік зорлық-зомбылықпен күресудің және зардап шеккендерді қолдаудың маңызы туралы ойлана алады. Мұнда ұсынылған әр жұмыста журналистердің нақты материалдарына сілтемелер көрсетілген. Астарлы әрі жасырын дүниені көріп-есту үшін көрмеге қосылыңыз.

Орналасқан жері: Efes Art Space, ш/а. Керемет, д. 3/1
Күні: 1 және 2 маусым, 10:00-19:00

Eurasiadoc деректі фильмдер форумы

Қырғыз режиссері Шыңғыс Нарыновтың “Металл нан” фильмін тамашалай аласыз. Көрсетілімнен кейін автор мен көрермен арасында пікірталас болады.

Орны: Egin Art space, Нұрмақов көшесі. 79
Күні: 2 маусым, 19:00

Тэоман Хостың графикалық жұмыстарының көрмесі

Суретші ұсынылған туындыларында дүние құмарлықтарын, соғыстар мен диктатураларды, құдайлық пен адамдық туралы ойлайды. Ол қарапайым материалды таныс бейнелерге айналдырып, сөздерін ағашқа бейнелейді.

Орналасқан жері: Oner Coner, Шевченко көшесі, 51
Күні: 1 және 2 маусым, 14:00-21:00

АСТАНА:

«Өзгеріс желі” балалар көрмесі

Елорда тұрғындары мен қонақтарының назарына 40-тан астам туынды ұсынылмақ. Жас суретшілер түрлі-түсті туындыларында қоршаған әлемге деген көзқарасын, сезімдері мен тәжірибелерін, тарихқа деген сүйіспеншілігін, туған жердің дәстүрін көрсетуге тырысқан.

Орны: Президент орталығы, Бөкейхан көшесі, 1 а
Күні: 1 және 2 маусым, 10:00-17:00

Circus party

Қонақтар көңілді сайқымазақ төбе көрсететін бар қызықты ойын бағдарламасы, трюктар және гимнасттардың қойылымын тамашалай алады. Бұл жаңа дем сыйлайтынына сенімді болыңыз.

Орны: Keruen City СОО, Қорғалжын тас жолы, 1
Күні: 1 маусым, 14:00

Балаларды қорғау күніне арналған Abu Dhabi Plaza

Қонақтарды аниматорлардың көңілді шеруі, үстел ойындары, ойын алаңдары, шеберханалар мен спектакльдер күтеді.

Орналасқан жері: Abu Dhabi Plaza, Сығанақ көшесі, 60/5
Күні: 1 маусым, 12:00-17: 00

Лейла Махаттың «MENMIN» атты жеке көрмесі

Қазақтың атақты суретшісі туындыларында өткен мен бүгінді ұштастырып, дүниетанымның көркемдік тұжырымдамасын қалыптастырады. Көрмеде өнер иесінің соңғы екі жылда салған суреттері ұсынылады.

Орны: Forte Kulanshi Art Space, Достық көшесі 8/1
Күні: 1 және 2 маусым, 10:00 – 20:00

Естеріңізге сала кетейік, киноға, кез келген фильмге, Қазақстанның кез келген қаласына тегін билеттерді әр жұма сайын біздің арнада өткізетін викторинада ұтып алуға болады. Сіз сондай-ақ ең көп пікір жаза аласыз, ең белсенді үш оқырманға, айына 1 рет, біз де кино билеттерін береміз. Демалыс күндеріңіз жақсы өтсін және сәттілік тілеймін!