Құрметті оқырмандар! #Үйдежатпа ұжымы арнайы сіз үшін осы демалыс күндері Алматы мен Астана қалаларында тегін баруға болатын іс-шаралар топтамасын дайындап қойды. Ал басқа қалалардан ақпарат болмағандықтан, сен өз өңіріңде болатын қызықты іс-шараларды пікірде бөлісе аласың.
АЛМАТЫ:
🫶Ақзел Бейсембайдың «Ағаш және құстар туралы ертегі» көрмесі
Бұл көрме “Өмір ағашы” және оның қамқоршы құстары туралы баяндайды. Ежелгі заманнан бері әлем аңыздарында ағаш өмірдің және өткен мен болашақты байланыстыратын символ болып есептелді. Ал құстар әлемде жол көрсетуші болды.
Орналасқан жері: Art Lane, Гоголь көшесі, 15
Күні: 17 және 18 тамыз, 12:00 – 21:00
🙀ÖMIR FEST экологиялық фестивалі
Іс-шара ғаламдағы барлық тіршілік иесін қорғауға бағытталған. Бұл жерге сіз үй жануарыңызды әкеле аласыз. Мұнда қонақтарды жанды музыка, түрлі тағамнан дәм тату, шеберлік сыныптары, пікірталастар, семинарлар, фуд-корт, жәрмеңке күтеді. Сонымен қатар балаларға арналған аймақ та бар.
Орны: «Аэровокзал» ТК жанындағы алаң, Жібек Жолы көшесі, 111
Күні: 17 тамыз, 12:00-21:00
🤝Nomads in time көрмесі
Іс-шара атақты қазақ суретшісі және дизайнері Балнұр Асанованың шығармашылығына арналған.
Орны: Almaty Gallery, Достық даңғылы, 44
Күні:17 тамыз, 10:00 – 19: 00
✊«Қарым-қатынаста қақтығыстарды тудыратын механизмдер» психологиялық дәрісі
«Ешкімді сүймейтін адамды, өзгелер де сүйе алмайды», — дейді Исаак Ньютон. Және ол қателеспеді.
Орны: Орталық көрме залы, Желтоқсан көшесі, 137
Күні: 17 тамыз, 14: 00
🤩«Ертең кеше болады» керамика көрмесі
Керамикамен жұмыс жасаудың құпиясы мыңдаған жылдар бұрын басталып, күні бүгінге дейін ауқымды тарихты сақтап келеді. Бұл көрме Шолпан Махмудова, Таисия Шайдарова және Анастасия Жарко есімді үш суретшінің таңғажайып бірлескен жұмысы. Олар керамикадан әртүрлі бағыттағы өнер туындыларын жасайды.
Орны: Орталық көрме залы, Желтоқсан көшесі, 137
Күні: 17 және 18 тамыз, 10:00 – 19:00
😚Руслан Тай және Бақытжан Бұқарбайман бас қосу
Бақытжан мырза басынан өткен жанжалды баяндай отырып, шығарған кітаптары мен ғылыми-ағартушылық қызметі жайлы аудиториямен әңгіме құрады. Руслан Тай — сұқбат алушы. Сұхбат соңында сұрақтарыңызды қойып, AmalBooks баспасынан кітаптар сатып алуға мүмкіндік аласыз!
Орын: Almaty Central stand up Club, Қабанбай батыр көшесі, 71
Күні: 18 тамыз, 16:00
🤩«Үміт шуағы» көрмесі
Aspan Gallery алаңында өтетін “Үміт шуағы” атты көрмесінде Гүлнұр Мұқажанованың 2023 жылы Гонконгтағы бұрынғы тоқыма фабрикасында, ал бүгінде Mill6CHAT арт-кеңістігінде өткізілген суретші көрмесіне арнайы әзірленген қол киізінен жасалған ең ірі туындысы ұсынылады.
Орын: Aspan Gallery, Villa Boutiques & Restaurants кешені, Әл-Фараби, 140а / 3
Күні: 17 және 18 тамыз, 11:00 – 19:00
🤩Виктор Цойдың ән концерті
Pulse Kino тобы соңғы қаһарманның хиттерін орындайды. Концертте жаңа вокалист Дамир мен TikTok-та көпшіліктің құлақ құрышын қандырып жүрген Цой өнер көрсетеді.
Орны: «Көк Төбе» мәдениет және демалыс саябағы, Достық даңғылы 104б
Күні: 18 тамыз, 19:00
АСТАНА:
🥹«Қане, көмектесейік» қайырымдылық шарасы
Сіздерді мұнда әртістердің қойылымы, кинологтармен бірге болатын иттер шоуы, ЗОО-психологтары мен ветеринарлық клиникалардың дәрістері, анимациялар және балаларға арналған аквагрим (бет бояу) аймақтары күтеді.
Орны: QazЕxpoСongress жазғы сахнасының аумағы, Мәңгілік Ел даңғылы, B1
Күні: 18 тамыз, 11:00-17:00
👀Балаларға арналған жазғы фестиваль
Қонақтарды тегін аниматорлар, сыйлықтар ұтыс ойындары, музыкалық топтардың жанды қойылымдары, елорданың хореографиялық және вокалдық студиялары қатысатын концерттер, вокалдық байқаулар, би шайқастары және т.б. күтеді.
Орны: Ailand ОСО жанындағы көше аумағы, Қорғалжын тас жолы, 2
Күні: 17 және 18 тамыз, 12:00
Еске сала кетейік, әр жұма сайын арнамызда өткізілетін викторинадан Қазақстанның кез келген жерінен тегін кино билеттерін ұтып алуға мүмкіндік бар! Сонымен қатар белсенділік танытып, көп пікір жазатын 3 оқырманымызға айына бір рет кино билетін сыйлаймыз. Ендеше демалыс күндеріңіз сәтті өтсін!
