Құрметті оқырмандар! #Үйдежатпа ұжымы арнайы сіз үшін осы демалыс күндері Алматы мен Астана қалаларында тегін баруға болатын іс-шаралар топтамасын дайындап қойды. Ал басқа қалалардан ақпарат болмағандықтан, сен өз өңіріңде болатын қызықты іс-шараларды пікірде бөлісе аласың.
АЛМАТЫ:
Nomads in Time көрмесі
Іс-шара атақты қазақ суретшісі және дизайнері Балнұр Асанованың шығармашылығына арналған.
Бұл іс – шара көрермендерді бірегей өнер туындыларымен таныстырып қана қоймай, жалпы қазақстандық маңызды тенденция — адамның мәдени болмысын ұғыну және қайта қарастыру сияқты маңызды үрдісті атап көрсетеді.
Орны: Almaty Gallery, Достық даңғылы, 44
Күні: 3 және 4 тамыз, 10:00 – 19:00
Jas Fest
Мұнда сізді көптеген қызықты ойын-сауық, байқаулар мен шеберлік сабақтары күтеді. Сондай-ақ тегін демалыс орталықтары туралы да білуге болады.
Орны: Тұңғыш Президент саябағы, Әл-Фараби даңғылы
Күні: 3 тамыз, 14:00
«Үміт шуағы» көрмесі
Aspan Gallery алаңында өтетін “Үміт шуағы” атты көрмесінде Гүлнұр Мұқажанованың 2023 жылы Гонконгтағы бұрынғы тоқыма фабрикасында, ал бүгінде Mill6CHAT арт-кеңістігінде өткізілген суретші көрмесіне арнайы әзірленген қол киізінен жасалған ең ірі туындысы ұсынылады. Ұзындығы 16 метрден асатын бұл монументті кенеп Қазақстанда алғаш рет көрсетіледі. Aspan Gallery алаңындағы көрме үшін Гүлнұр өзінің 16 метрлік киіз суретінің жалғасын жасап шығарды. Галереяның периметрі бойынша кеңістікті қамтитын жаңа инсталляцияның ұзындығы 41 метрден асады.
Орын: Aspan Gallery, Villa Boutiques & Restaurants кешені, Әл-Фараби, 140а/3
Күні: 3 және 4 тамыз, 11:00 – 19:00
Alternativa Screenings фильм көрсетілімдері мен пікірталастары
2023 жылғы Alternativa Film Awards сыйлығының лауреаты атанған қазақстандық жас режиссерлер өз фильмдерін ұсынады. Әрбір көрсетілімнен кейін фильмнің тақырыбы талқыланады.
3 тамыз, 12:00-15:20 — «Баласыз ауыл» фильмі.
Тақырыбы: Қала мен ауыл: олардың арасындағы қашықты қысқартуға болады?
3 тамыз, 16: 30-18:10 – «Ваханның тұтқыны» фильмі.
3 тамыз, 19:00-20:45 – «12 апта» фильмі. Тақырыбы: Жоспарланбаған жүктілік: күрделі шешіммен қалай жалғыз қалмауға болады?
4 тамыз, 14:00-15:45 – Alternativa Film Awards 2023 қысқаметражды фильм бағдарламасы. Тақырыбы: Орталық Азияның жас киносы: оның аймақтағы рөлі мен болашағы
4 тамыз, 17:00-18:20 — «Қысқы демалыс болмайды» фильмі.
Тақырыбы: Қазіргі қоғамда ескі дәстүрлерді ұстанған жөн бе?
Орны: ARTиШОК театры, Гоголь көшесі, 40
Интизор Отаниёзованың жеке көрмесі
Суретшінің картиналары ойын кеңістігі арқылы күрделі жүйелердің өзін қалай жаңғыртатыны туралы, адам өміріне әсер ететін шешімдердің кездейсоқтығы мен жүйелілігі, пішін мен мазмұн дағдарысы, сондай-ақ балалар мен ересектер ойындарының социологиясы туралы ойды жеткізеді.
Орны: Egin Art space, Нұрмақов көшесі, 79
Күні: 3 және 4 тамыз, 12:00-20:00
АСТАНА:
Creative summer жазғы жобасы
Мұнда балаларға арналған ойын-сауық бағдарламаларын, шығармашылық ұжымдардың қойылымдарын және флешмобтарды тамашалай аласыз.
Орны: Қала алаңы, Орталық жағалау (Есіл өзені), орталық саябақ (амфитеатрға қарама-қарсы), «Жерұйық» паркі, «Жетісу» паркі
Күні: 3 және 4 тамыз, 14:00
Лейла Махаттың «MENMIN» атты жеке көрмесі
Қазақтың атақты суретшісі туындыларында өткен мен бүгінді ұштастыра отырып, дүниетанымның көркемдік тұжырымдамасын қалыптастырады. Көрмеде өнер иесінің соңғы екі жылда салған суреттері ұсынылады.
Орны: Forte Kulanshi Art Space, Достық көшесі 8/1
Күні: 3 және 4 тамыз, 10:00 — 20:00
Еске сала кетейік, әр жұма сайын арнамызда өткізілетін викторинадан Қазақстанның кез келген жерінен тегін кино билеттерін ұтып алуға мүмкіндік бар! Сонымен қатар белсенділік танытып, көп пікір жазатын 3 оқырманымызға айына бір рет кино билетін сыйлаймыз. Ендеше демалыс күндеріңіз сәтті өтсін!
