Құрметті оқырмандар! #Үйдежатпа ұжымы арнайы сіз үшін осы демалыс күндері Алматы мен Астана қалаларында тегін баруға болатын іс-шаралар топтамасын дайындап қойды. Ал басқа қалалардан ақпарат болмағандықтан, сен өз өңіріңде болатын қызықты іс-шараларды пікірде бөлісе аласың.
АЛМАТЫ:
👍Алмас Ордабаевтың “Сәттер жаңғырығы” атты жеке көрмесі
Алмас – сәулетші. Әрине, сәулетшілер сурет салуды жақсы меңгерген. Мұнда ғимараттардың эскиздері ғана емес, сонымен қатар қалаларда орын тепкен әртүрлі орындар да назарға алынады. Мәселен, кіші және үлкен сәулет ескерткіштері, көшелер мен алаңдар, қала берді сәулетшілердің ойы мен сезімін сақтай отырып жеткізілген үүзінділер.
Өтетін орны: Almaty Gallery, Достық даңғылы, 44
Күні: 9 және 10 наурыз, 10:00-19:00
🎬üi küiі жобасы аясында ұйымдастырылған лекциялар мен фильмдер
Мұнда сарапшылармен бірге түркі мәдениетінің академиялық аспектілеріне терең бойлай аласыз.
9 наурыз, 14:00. “Көшпелі тайпалар арасындағы “Үй” сөзінің семантикасы” дәрісі. Дәріс беруші – Қарлығаш Бижігітқызы, тарих ғылымдарының кандидаты.
9 наурыз, 16:00. “Қазақтың кешегі және бүгінгі дәстүрлі музыкасы” дәрісі. Дәріс беруші: Дина Әмірова, этномузыкатанушы, өнертану ғылымының кандидаты.
10 наурыз, 15:00. “Ever Deadly” фильмінің көрсетілімі. Инуит текті авангард әнші Тани Таңғақтың әсерлі әрі сезімтал музыкалық тәжірибесі.
Орналасқан жері: 101 Dump Gallery, Панфилова, 101
🌱Медина Базарғалидың “Jelilik dala” атты жеке көрмесі
Көрме — жас суретшінің бес жылдық тәжірибесіне негізделген. Бұл — өнер иесінің жеті жұмысын қамтитын дебюттік жеке жоба. Жаңа медиа суретшісі ретінде ол әртүрлі өнер түрлерін пайдаланады: алгоритмдер, дыбыс, инсталляциялар және киіз.
Өтетін орны: Egin Art Space, Нұрмақова, 79
Күні: 9 және 10 наурыз, 12:00-20:00
💃Әлия Қабиқожаеваның Nomad Spirit жеке көрмесі
Әлия Қабиқожаева – көркем суретші. Сонымен қатар Қазақстан Жас суретшілер одағының және Азия суретшілер қауымдастығының мүшесі. Суретші өз туындыларымен Корея, Түркия, Әзірбайжан, Өзбекстан елдеріндегі халықаралық көрмелерде бой көрсеткен.
Өтетін орны: Clay House көркем галереясы, Наурызбай батыр 82 көшесі
Күні: 9 және 10 наурыз, 11:00-19:00
💅B. Bubikanova art prize өнер жүлдесі финалистерінің көрмесі
Мұнда сіз қазылар алқасының шешімімен таңдалған жұмыстармен танысып қана қоймай, қай өнер туындысы Қастеев мұражайының қорына енгізілетінін де білесіз.
Орналасқан жері: Aspan Gallery, Әл-Фараби даңғылы, 140 А
Күні: 9 және 10 наурыз, сағат 11:00-18:00.
АСТАНА:
💫Сәулет Жәнібектің «QARA NÚKTE» жеке көрмесі
Суретші Сәулет үшін QARA NUKTE оны әлемдер арасында бағыттайтын негізгі сәт. Оның әлемі жүректен шыққан, ізденуші және терең ақыл-ойға негізделген бейнелерге толы галактикадан тұрады. Суретшінің туындысында абсолюттік қара және ақ белгілер қатар көрінеді. Сонымен қатар нысандар мен сюжеттері ерекше сезімге бөлейді. Сонымен қатар адамды жан-жақты ойлануға мәжбүрлейді. Мәселен, тазалық, тереңдік, мұңаю, қуану туралы түрлі эмоцияны сезінуге мүмкіндік бере отырып, әлем арасындағы қарым-қатынасты басқа қырынан түсінуге итермелейді. Шындығында біздің таңдау құқымыз бар. Сіз өзіңізге “мен” қай әлемге кіруді қалаймын? Қазір ол қайда? деп сұрақ қоюыңызға болады.
Орны: Forte Kulanshi Art Space, Достық көшесі 8/1
Күні: 2 және 3 наурыз, 10:00 — 20:00
🎶Сейсенхан Махамбеттің “Табиғатпен үндесу” атты жеке көрмесі
Көрме Әбілхан Қастеев пен Орал Таңсықбаевтың 120 жылдығына арналған. Махамбет Сейсенхан – Өнер академиясының академигі, Қазақстанның еңбек сіңірген қайраткері. Көптеген кәсіби марапаттардың иегері және өнер байқауларының лауреаты.
Өтетін орны: Has Sanat галереясы, Д.Қонаев 14Д көшесі
Күні: 9 және 10 наурыз, 11:00 — 18:00
Еске сала кетейік, әр жұма сайын арнамызда өткізілетін викторинадан Қазақстанның кез келген жерінен тегін кино билеттерін ұтып алуға мүмкіндік бар! Сонымен қатар белсенділік танытып, көп пікір жазатын 3 оқырманымызға айына бір рет кино билетін сыйлаймыз. Ендеше демалыс күндеріңіз сәтті өтсін!
