Бәріне сәлем!
Қыздар мен жігіттер, назарларыңа кезекті ТОП-3 жаңалықты ұсынамыз!✔️
1️⃣ Apple компаниясы iPhone 16 және iPhone 16 Plus базалық модельдерін көпшілікке таныстырды
Apple көптен күткен тұсаукесерін өткізді және жаңа iPhone 16 мен iPhone 16 Plus нұсқаларын ұсынды. Аталмыш өнімдер туралы 2023 жылдың күзінен бастап түрлі қауесет тарады және ол шындыққа жанасты.
Жаңа модельдердің камерасы диагональ бойынша емес, вертикаль орналасқан. Бұл 2017 жылы жарыққа шыққан iPhone X моделіне ұқсас келеді. Жаңа iPhone моделінде әр объектив жеке әрі айқын көрінеді.
Енді базалық iPhone-дар кеңістіктік бейнетүсірілімге негізделеді. Мұнда 3D-бейнебаяндарды Apple компаниясының Vision Pro гарнитурасы арқылы тамашалауға болады. Сонымен қатар камераны басқаруға арналған жаңа сенсорлық батырма қосылды, ол бұғаттау батырмасының астында орналасқан.
Жаңа iPhone-дарда тағы бір ерекшелік — Apple Intelligence жасанды интеллект жүйесі. Бұл жүйе арқылы галереяда суретті мәтін бойынша іздеуге, мәтінді түзетуге немесе жақсартуға, тіпті эмодзилерді жасауға болады.
Сізге жаңа айфон үлгісі ұнады ма? 🤔
2️⃣ Ғылым және жоғары білім министрі 2 мыңға жуық студент гранттан бас тартқанын жеткізді
«Осыған дейін 1989 адам гранттан бас тартты. Оның түрлі себебі бар. Біреулер шетелге түседі, я болмаса, денсаулық себеп болып жатады. Сосын квота бойынша грантқа тек белгілі бір университетке түсуге болады, басқа университетке ауыса алмайды. Соны білгеннен кейін гранттан бас тартады», — деді Нұрбек үкіметте өткен брифингте.
Оның айтуынша, босатылған гранттардың бәрі биыл 100 ұпайдан артық алған талапкерлердің арасында үлестіріледі.
Саясат Нұрбек оның бірнеше себебін атапты📌
3️⃣ Дүниежүзілік көшпенділер ойындарында қазақстандық көкпаршылар ширек финалда АҚШ командасын жеңді
Есеп 12:4 болды.
Көкпар төрешісі Ілімша Әлтаев бұл дәстүрлі спорт түрі Қазақстанда танымал екенін атап өтті.
“Көкпар Қазақстанда, әсіресе оңтүстік өңірлерінде дамыған спорт түрі. Өйткені ондағы климат мұндай жарыстардың жиі өткізілуіне мүмкіндік береді. Көкпар ойындары Қырғызстанда да өте танымал. Бұл дүбірлі додаға Өзбекстаннан мықты команда келді. Қырғызстан фавориттердің бірі саналады, олар финалға шығып, біздің қазақстандық ойыншылармен кездеседі деп ойлаймын. Олардың жылқылары өте жақсы жағдайда. Меніңше, бұл ойын жоғары деңгейде өтеді деп ойлаймын. Кімнің жеңетінін тек алаң көрсетеді”, — дейді ол inform.kz -ке берген сұқбатында.
Тамаша!👍
