✅Алматыда алып қыз дүниеге келді
Туылған нәрестенің салмағы 5328 г, бойы 60 см. Сәбидің дүниеге келуі жақсы өтті. Оны №2 қалалық перзентханада 32 жастағы әйел туды. Бұл әйелдің үшінші баласы. Алдында ультрадыбыстық зерттеуде салмағы 3500-3800 грамм болады деп болжанған еді.
✅Жәнібек Әлімханұлы чемпиондық белбеуін қорғайды
Қазақстандық боксшы Жәнібек Әлімханұлы британиялық Дэнзел Бентлимен рингке шығатын болды. Жәнібек өзі ұтып алған WBO белбеуін қорғайды.
Қос боксшы Лас-Вегастағы Palms Casino Resort аренасында кездеседі.
Америкалық Деметриус Андраде екінші орта салмаққа ауысып, Әлімханұлымен айқаспаған еді. Сол себепті Жәнібек орта салмақта WBO тұжырым бойынша толыққанды әлем чемпионы атанды.
✅Қазақстанға Ресейден 200 мыңнан астам адам келіп, 147 мыңы шығып кеткен.
Ішкі істер министрі Марат Ахметжановтың сөзінше, Ресейдің 382 азаматы тұрақты тұруға, 64-і Қазақстан азаматтығын алуға өтініш білдірген. Ол бүгінгі таңда еліміздегі криминогендік жағдай тұрақты екенін атап өтті.
