Кеш жарық, құрметті оқырмандар!
Назарларыңызға бүгінгі күннің ең маңызды жаңалықтарын ұсынамыз ✅
😷 Қытайда жаңа вирус тарады: Денсаулық сақтау министрлігі мәлімдеме жасады
Денсаулық сақтау министрлігі әлемде жіті респираторлық вирустық инфекцияларға жататын метапневмовирустың таралуы туралы БАҚ-тағы соңғы ақпаратқа байланысты мәлімдеме жасады.
Адам метапневмовирусы — көптеген елдерде ондаған жылдар бойы таралған классикалық вирустардың бірі. Бұл вирустың штамдары Қазақстанда ЖРВИ және тұмау ауруларының маусымдық өсуі кезеңінде кеңістікте белсенді айналымда болатын инфекциялардың басқа түрлерімен қатар анықталды.
Санитариялық-эпидемиологиялық бақылау комитетінің мәліметінше, эпидемиялық маусымның басында республика бойынша тұмауға жатпайтын вирустарға 8 360 үлгі зерттелген.
Оның ішінде оң 1866 (22%), оның ішінде паратұмау – 178 (9,5%), РС вирусы – 433 (23,2%), метапневмовирус – 30 (1,6%), риновирус – 680 (36,4%), бокавирус – 113 (6,1%), аденовирус – 226 (12,1%), коронавирус – 206 (11,1%).
Метапневмовирус негізінен ауа тамшылары арқылы және аз жағдайда тұрмыстық байланыс арқылы беріледі. Инфекцияның негізгі белгілері — жөтел, мұрыннан су ағу, ентігу, тырысу, бас ауруы. Нақты емдеу жоқ, симптоматикалық емдеу қолданылады.
Қазіргі уақытта Қазақстанда, бүкіл әлем сияқты, ЖРВИ және тұмаумен сырқаттанушылықтың маусымдық өсуі тіркелуде.
Эпидемиологиялық маусымның басынан бастап, ағымдағы жылдың 1 қазанынан бастап республикада ЖРВИ-дің 2 002 335 жағдайы және зертханалық расталған тұмаудың 941 жағдайы, оның ішінде А(H1N1) типті тұмаудың 910 жағдайы, А(H3N2)-1 жағдайы, В тұмауының 30 тіркелді.
Денсаулық сақтау министрлігі халықты профилактика шараларын сақтауға және адамдар көп жиналатын жерлерде байланыстарды шектеуге шақырады, бұл әсіресе созылмалы аурулары бар ең осал пациенттерге қатысты.
Тұмау мен ЖРВИ-дың профилактика шаралары:
адамдар көп жиналатын орындарға, әсіресе жабық үй-жайларға баруды шектеу;
үй-жайларды үнемі желдету;
қолды тазарту үшін антисептиктерді немесе дезинфекциялық майлықтарды қолдану;
ауру адамдармен байланысын шектеу, олардың оқшаулануын қамтамасыз ету;
тұмау және ЖРВИ белгілері пайда болған кезде балаларды үйде қалдыру және ұйымдасқан ұжымдарға (мектепке дейінгі ұйымдарға, мектептерге) жібермеу.
ауру белгілері пайда болған кезде дер кезінде медициналық көмекке жүгіну.
Абай болыңыздар!
📱 2024 жылғы қазақ трендтерінің тізімі жарияланды
Біз арнайы сіздер үшін өткен жылдың ең өзекті оқиғаларына байланысты бейнеролик дайындадық! Ендеше соларды бірге еске түсіріп көрейік📍
🪙 Теңге алты жыл ішінде рекордтық қарқынмен құнсызданған
DATA HUB мәліметінше, 2024 жылғы 1 қаңтардан бастап 2025 жылғы 1 қаңтарға дейінгі аралықта ұлттық валютаның ресми бағамы 15,5%-ға, яғни 525,11 теңгеге әлсіреді. Мұндай жоғары қарқын соңғы рет 2019 жылдың қорытындысы бойынша тіркелген (15,6%). Осылайша Бірінші кредиттік бюро бір жыл барысында ұлттық валютамыз — теңге 15,5%-ға айтарлықтай құнсызданғанын тағы бір мәрте еске салады.
Бұлай болатынын алдын-ала болжау, әрине қиын еді. Өйткені 2024 жылдың алғашқы үшайында теңгеге шаққанда 1 АҚШ доллары 450 теңге айналасында айтарлықтай тұрақтыболып сақталды.
«Содан кейін ұлттықвалюта қымбаттауын бастады және мамыр айының ортасына қарай бір жылданастам уақыт ішіндегі ең жоғары деңгейді қамтыды (439,4 теңге). Ол кезде теңгенің бұлайша күрт нығайюы, ең алдыменреспубликалық бюджет трансферттерін қамтамасыз ету үшін Ұлттық қордан сату үшін валюталардың көптеп алуымен байланысты екені айтылды. Ал маусымайында сатылым көлемінің төмендеуіменбірге жағдай өзгере бастады, яғни ұлттықвалюта әлсіреугекөшті. Жаздың ортасынан бастап «Қазатомөнеркәсіп» акцияларын сатып алу бойынша мәміле шеңберінде алтын-валюта қорынан валюта алып, сату теңгегеқосымша қолдау көрсетті, ал Ұлттық қордан валюта алып сату жағдайы өсімгеоралуға түрткі болды. Бірақ осының бәрінеқарамастан, теңге өз позициясын тезжоғалта бастады» делінген DATA HUB-тың Telegram арнасында.
Мәссаған, енді 2025 жылы жай-күйі қалай болар екен?
💸 2025 жылы зейнетақы мен жәрдемақыларға бюджеттен 5 трлн 982 млрд теңге бөлінеді
Еңбек және халықты әлеуметтік қорғау министрлігі 2025 жылы әлеуметтік-еңбек саласына арналған республикалық бюджет шығыстары 6 трлн 108 млрд-тан астам теңгені құрайтынын, бұл 2024 жылғы шығыстардан 14 %-ға немесе 748,7 млрд теңгеге артық екенін нақтылайды.
«Көзделген шығыстардың 97,9 %-ы немесе 5 трлн 982 млрд теңгесі азаматтарға әлеуметтік төлемдерге бағытталатын болады. Оның ішінде 4 трлн 262 млрд теңге зейнетақымен қамсыздандыруға қарастырылған, бұл шамамен 2,5 млн зейнеткерді қамтуға мүмкіндік береді (саны 77,8 мыңға өскен), 1 трлн 720 млрд теңге – барлық жәрдемақыларды төлеуге, бұл шамамен 2,3 млн адамды қамтуға мүмкіндік береді», делінген 2025 жылы 5 қаңтарда жарияланған ЕХӘҚМ хабарламасында.
Министрлік мәліметінше, қалған қаражат халықты жұмыспен қамтуға жәрдемдесу шараларын іске асыруға, мүгедектігі бар адамдарды техникалық құралдармен және оңалту қызметтерімен қамтамасыз етуге, азаматтық қызметшілердің еңбекақысын арттыруға және т. б. бағытталатын болады.
Бұрын хабарланғандай, қазіргі кезде республикалық бюджет қаражаты есебінен базалық және ынтымақты зейнетақыны қоса алғанда, әлеуметтік төлемдердің 41 түрі төленеді. 2024 жылы жәрдемақылар мен зейнетақыларды төлеуге 4,5 млн адамға, оның ішінде 2,4 млн зейнеткер мен 2,1 млн мемлекеттік жәрдемақы алушыға 5 трлн 261 млрд теңге жұмсалды.
ҚР Еңбек және халықты әлеуметтік қорғау министрлігі қабылдаған әлеуметтік төлемдер бойынша барлық міндеттемелер уақтылы және толық көлемде орындалды.
Тамаша!👍
