Баршаңызға сәлем, қымбатты оқырмандар!
Назарларыңызға бүгінгі күннің ең маңызды жаңалықтарын ұсынамыз📍
Oқушылары арасында алғашқы жасанды интеллект бойынша олимпиада өтеді
Цифрлық даму, инновациялар және аэроғарыш өнеркәсібі, Оқу-ағарту министрліктері мен Спорттық бағдарламалау федерациясының меморандумы аясында жасанды интеллектке қызығушылық танытатын оқушыларды қолдауға бағытталған AI Olymp олимпиадасы өткізіледі.
Бұл бастама талантты оқушыларды анықтап, оларды Халықаралық жасанды интеллект олимпиадасына дайындауға бағытталған.
“Спорттық бағдарламалау – тек интеллектуалдық жарыс емес, сонымен бірге ойлау мен табандылық мектебі. Бұл шара еліміздің болашағын қалыптастыруға үлес қосады”, – деді Цифрлық даму министрі Жаслан Мадиев.
Оқу-ағарту министрі Ғани Бейсембаев олимпиаданы өткізу дарынды жастардың әлеуетін ашуға және білікті мамандар даярлауға мүмкіндік беретінін атап өтті.
Спорттық бағдарламалау федерациясының президенті Бағдат Мусиннің айтуынша, бұл тек бедел ғана емес, сонымен қатар IT саласындағы кәсіби өсудің бірегей мүмкіндігі.
Ғылымға жаңа серпіліс😍
Астанада картоп сатуға қойылған шектеу жойылды
Астанада бір адамға 5 келіге дейін картоп сатуға қойылған шектеу алынып тасталды.
Әкімдіктің баспасөз қызметі қазір елордада картоп сату бойынша шектеу жоғын мәлімдеді.
Өнім қаладағы сауда желілері мен базарлардың сөрелерінде жеткілікті мөлшерде ұсынылып, олардың қоры уақытында толықтырылып отырады, — деп хабарлады ведомство.
Әкімдік картопты сату бойынша қойылған шектеуді Small және Spar желілерінің әкімшілігі шығарғанын айтты.
Олар бұл шараны делдалдардың өнімді одан әрі қайта сату үшін көтерме сатып алуына жол бермеу үшін өз бетінше қабылдады, мысалы, барлық Small және Spar сауда желілерінде картоптың келісі 280 теңгеден сатылып жатыр”, — деп хабарлады әкімдіктің баспасөз қызметі.
Кеше ғана “бір адамға бес келі” деп шулап жатыр еді. Шектеу енгізілмейтін болыпты👍
Елімізде бірнеше жаңа кәсіби мереке пайда болды
Бұл туралы ҚР Еңбек және халықты әлеуметтік қорғау министрлігі Қазақстанда жаңа кәсіби мерекелер тізімін жариялады.
“Кәсіптік мерекелер тізбесін бекіту туралы» Қазақстан Республикасы Премьер-Министрінің орынбасары — Еңбек және халықты әлеуметтік қорғау министрінің 2023 жылғы 29 маусымдағы № 258 бұйрығына(Нормативтік құқықтық актілерді мемлекеттік тіркеу тізілімінде № 32924 болып тіркелген) 2025 жылғы 20 қаңтардағы № 16 бұйрығымен өзгерістер мен толықтырулар енгізілсін”, – делінген министрлік бұйрығында.
Көрсетілген бұйрықпен бекітілген кәсіби мерекелер қатарында Қазақстанда бухгалтерлік есеп, қылмыстық-атқару, қаржы мониторингі, колледж мұғалімдері және т.б. сала мамандарының кәсіби мерекесі пайда болатын болды. Ол кәсіби мерекелерге:
* 28 қаңтар – Қаржы мониторингі жөніндегі органдар күні;
* Шілде айының біріншісі жексенбісі – Теңіз және өзен көлігі қызметкерлері күні;
* Қыркүйек айының екінші жексенбісі – Бақылау-өлшеу аспаптары мен автоматика саласындағы қызметкерлер күні;
* 2 қазан – ҚР техникалық және кәсіптік, орта білімнен кейінгі білім беру қызметкерлерінің күні;
* Қазан айының соңғы жексенбісі – Авто транспорт саласы қызметкерлері және Автожол саласы қызметкерлерінің күні;
* 10 қараша – Бухгалтерлік есеп және аудит саласындағы қызметкерлер күні;
* 13 желтоқсан – Қылмыстық-атқару жүйесі қызметкерлерінің күні”, – мерекелерімен толықтырылатын болды.
Тамаша! Қандай мерекелер екенін сайтымыздан оқи аласыз🔥
Қазақстанда мобильді байланыс тарифі тағы қымбаттады
Бәсекелестікті қорғау және дамыту агенттігі интернет тарифтерінің көтерілуіне қатысты жағдайдың заңнамаға сәйкестігін зерттеуді жоспарлап отыр. Агенттік мәлімдеуінше, “КаР-Тел” ЖШС-нің 2025 жылдың ақпан айынан бастап интернет бағасының өзгеруіне байланысты түскен шағымдарға орай, оператордан қажетті ақпарат сұратылған.
Егер нарық субъектілерінің әрекеттерінде бәсекелестік заңнамасын бұзу белгілері анықталса, Агенттік монополияға қарсы тиісті шаралар қабылдайтынын хабарлады.
Бағадағы өзгерісті байқадыңыз ба?🤔
“Оскар – 2025”: Әлемнің үздік актері мен актрисасы белгілі болды
“Оскар” сыйлығын иеленген басты номинанттар тізімі жарияланды. Жеңімпаздар 2025 жылдың 2 наурызында ресми марапатталады.
Екінші жоспардағы үздік ер адам рөлі
• Юра Борисов («Анора»)
• Киран Калкин («Настоящая боль»)
• Эдвард Нортон («Боб Дилан: Никому не известный»)
• Гай Пирс («Бруталист»)
• Джереми Стронг («Ученик. Восхождение Трампа»)
Үздік бейімделген сценарий
• «Конклав»
• «Эмилия Перес»
• «Мальчишки из „Никеля“»
• «Синг-Синг»
• «Боб Дилан: Никому не известный»
Үздік түпнұсқа сценарий
• «Настоящая боль»
• «Анора»
• «Бруталист»
• «Субстанция»
• «5 сентября»
Екінші жоспардағы үздік әйел рөлі
• Зои Салдана («Эмилия Перес»)
• Ариана Гранде («Злая: Сказка о ведьме Запада»)
• Изабелла Росселлини («Конклав»)
• Фелисити Джонс («Бруталист»)
• Моника Барбаро («Боб Дилан: Никому не известный»)
Үздік шетелдік фильм
• «Эмилия Перес»
• «Я все еще здесь»
• «Семя священного инжира»
• «Девушка с иглой»
• «Поток/Течение»
Үздік анимациялық фильм
• «Поток/Течение»
• «Головоломка 2»
• «Мемуары улитки»
• «Уоллес и Громит: Самая дикая месть»
• «Дикий робот»
Үздік ер адам актері
• Тимоти Шаламе («Боб Дилан: Никому не известный»)
• Эдриан Броуди («Бруталист»)
• Колман Доминго («Синг-Синг»)
• Рэйф Файнс («Конклав»)
• Себастиан Стэн («Ученик. Восхождение Трампа»)
Үздік әйел актері
• Деми Мур («Субстанция»)
• Майки Мэдисон («Анора»)
• Карла Гаскон («Эмилия Перес»)
• Синтия Эриво («Злая: Сказка о ведьме Запада»)
• Фернанда Торрес («Я все еще здесь»)
Биыл сүйікті актрисаларыңыз бен актерлеріңіз “Оскар” сыйлығын алды ма?)😍
