Баршаға сәлем, қымбатты оқырман!
Назарларыңызға бүгінгі күннің ең маңызды жаңалықтарын ұсынамыз📍
Ұлттық банк базалық мөлшерлемені 16,5%-ға дейін көтерді
Ұлттық банк базалық мөлшерлемеге қатысты шешім шығарды.
Қазақстан Республикасы Ұлттық Банкінің Ақша-кредит саясаты жөніндегі комитеті базалық мөлшерлемені жылдық 16,50%деңгейінде белгіледі. Пайыздық дәліз +/- 1,0 п.т. құрады.
Шешім қабылданғанда нақты деректерді, жаңартылған болжамдар мен инфляциялықтәуекелдердің балансын бағалау барысы ескерілген. Бағаның ағымдағы өсу қарқыны жоғары деңгейге жетіп келеді. Бұл өз кезегінде ақша-кредит шарттарын айтарлықтай жеңілдетеді. Сондықтан инфляцияның өсу тәуекелін азайту үшін белсенді әрі пәрменді шаралар қажет.
Инфляцияның барлық көрсеткішінде өсу байқалады. Жылдық инфляция ақпанда 9,4%-ға дейін жеделдеді. Барлық компонент бойынша бағаның өсу қарқыны жеделдегені байқалады.
Әсіресе қызметтер бағасының өсуі айтарлықтай үлес қосып отыр. Ақпанда айлық инфляция едәуір өсіп, орташа тарихи динамикадан айтарлықтай асып түсті. Айлық базалық және маусымдық факторлардан тазартылған инфляция көрсеткіштерінен (тиісінше, ақпанда бір жылға есептегенде – 14,2% және 16,9%) фискалдық ынталандыру және тұтынушылық кредит берудің (2024 жылдың қорытындысы бойынша жылма-жыл 33,5% өсім) шамадан асып кетужағдайында ішкі сұраныс жағынан қысымның айтарлықтай үдегені көрінеді.
Сонымен бірге ақпанда халықтың инфляциялық күтулері тағы да 13,7%-ға дейін өсті.
Ресейде инфляция қарқын ала түскендіктен, сыртқы сектордың бағаға әсері күшейді. 2024 жылғы желтоқсаннан бастап біршама төмендегеніне қарамастан, әлемдегі азық-түлік бағасы әлі де жоғары деңгейде. Қазіргі уақытта бағаның жаһандық өсуі орнықты болып отыр. Инфляциялық және геосаяси тәуекелдер сақталуда және олар орталық банктердің қатаң ақша-кредит саясаты мен риторикасына негіз болды.
Сүлейменов базалық мөлшерлеме әлі де көтерілуі мүмкін екенін айтты📌
Әуежайда кепілге алынған адамды құтқарған Мұса Әбдірайым “Ерлігі үшін” медалімен наградталды
Мемлекет басшысының Жарлығымен қиын-қыстау жағдайда көрсеткен ерлігі мен жанқиярлығы үшін Мұса Сайранбайұлы Әбдірайым «Ерлігі үшін» медалімен наградталды.
Еске салайық, бүгін Алматыда ер адам әуежай қызметкерін кепілге алғаны туралы ақпарат тарады.
Әуежай өкілдерінің сөзінше, оқиға бүгін, 7 наурызда әуежайдың ұшу алдындағы тексеру аймағында болған.
Сағат 11:45 шамасында өзін жолаушы ретінде таныстырған ер адам ішкі терминалдағы (Т1) рейс алдындағы тексеру аймағына келген. Алматы халықаралық әуежайының авиациялық қауіпсіздік қызметінің скрининг қызметкерлері ер адамнан құжаттарын көрсетуді сұраған, бірақ ер адам скрининг офицерін шашынан ұстап алып, пышақпен қорқыта бастаған.
7 минуттан кейін әуежайдың желілік полиция бөлімінің (LPD) қызметкерлері және Алматы халықаралық әуежайының авиациялық қауіпсіздік қызметкерлері ер адамның пышағын тартып алған.
Қазіргі уақытта ер адам полиция бөлімінде, құқық қорғау қызметкерлері оқиғаның мән-жайын анықтап жатыр.
Бүгін аталған оқиға дүйім жұртты дүрліктірген еді😨 Кепілге алынған адамды құтқарған ағамыз марапат алыпты👍
Қазақстандағы әйелдер саны 10 млн адамға жетеді
Қазақстанда әйелдер саны 10 381 377 адамға жетіп, бұл ел халқының 51,1%-ын құрады.
Соңғы он жыл ішінде әйелдердің саны 15,2%-ға өскен. Қазіргі таңда олардың 64,4%-ы қалада, ал 35,6%-ы ауылдық жерлерде тұрады.
Өңірлер бойынша әйелдердің ең көп шоғырланған жері – Алматы қаласы (1,2 млн адам). Екінші орында Түркістан облысы (1 млн әйел), ал үшінші орынға Астана (803 мың әйел) жайғасты. Әйелдер санының ең жоғары өсімі елордада тіркелген – 82,1%. Алматыда бұл көрсеткіш 37,5%, ал Маңғыстау облысында 32,5%-ға жеткен.
Жас ерекшелігіне келсек, Қазақстандағы 3,3 млн әйел 18 жасқа дейінгі, 5,3 млн-ы 18-60 жас аралығындағы, ал 1,7 миллионы 60 жастан асқан азаматшалар. Елдегі әйелдердің орташа жасы – 34,1 жас.
Қазіргі уақытта 4,4 млн әйел әртүрлі салада жұмыс істейді. Олардың басым бөлігі білім беру, сауда және денсаулық сақтау салаларында қызмет атқарады.
Тамаша!😍
1 қыркүйектен бастап мектеп асханаларында кейбір тағам түрлерін сатуға тыйым салынады
“Қазақстан Республикасы Денсаулық сақтау кодексінің 7-бабының 103-тармақшасына сәйкес бұйырамын: Денсаулық сақтау және білім беру ұйымдарындағы тамақтану стандарттарын жаңа редакцияда бекіту”, – делінген Денсаулық сақтау министрлігінің бұйрығында.
Бір реттік ыстық тамақты ұйымдастыру кезінде ас қабылдау екінші сабақтан кейінгі үзілісте қамтамасыз етілуі керек және оған 10-30 минут уақыт бөлінеді.
Білім беру ұйымдарында өндірілмейтін және сатуға болмайтын азық-түлік өнімдері мен шикізаттардың тізімі:
• Қайта мұздатылған ет пен құс өнімдері
• Қайта мұздатылған балық және балық өнімдері
• Тұздалған (аз тұздалған) балық
• Ет механикалық жолмен сүйектен ажыратылған өнімдер
• Құс етінен жасалған коллагенді шикізат
• Алты айдан ұзақ сақталған мұздатылған ет блоктары
• Құрамында 20%-дан көп майлы және дәнекер тіні бар сиыр еті
• Шошқа еті, қой еті, бұқа, қабан және арық мал еті
• Бауыр, тіл, жүрек және қаннан басқа субөнімдер
• Ластанған немесе қабығы зақымдалған жұмыртқа
• Пастеризациядан өтпеген сүт және сүт өнімдері
• Сүт майын алмастырғыштары бар өнімдер
• Құрамында еттен басқа ингредиенттері бар ет өнімдері
• Белгілі бір қышқылдық көрсеткіштерінен жоғары өсімдік майлары
• Хлопок майы
• Гидрогенизацияланған майлар
• Ащы дәмдеуіштер (бұрыш, қыша, желкек)
• Саңырауқұлақтар
• Құрамында тәттілендіргіштер, күшейткіштер, консерванттар, синтетикалық бояғыштар бар өнімдер
• Тұз мөлшері 0,3%-дан, қант мөлшері 5%-дан жоғары өнімдер
• Өнеркәсіптік консервілер
• Үйде дайындалған өнімдер
• Йодталмаған тұз
• Темірмен байытылмаған жоғары және бірінші сортты ұн
• Ластанған немесе зиянкестермен бүлінген жарма, ұн, кептірілген жемістер
• ГМО бар шикізат
• Пестицидтер қолданылған өнімдер
• Бензой және сорбин қышқылдары бар өнімдер
Сонымен қатар тыйым салынады:
• Кешегі тамақ қалдықтарын жаңа тамақпен араластыру
• Салқындатқыш жабдықсыз сақталған өнімдерді сату
• Өтпеген тез бұзылатын тағамдарды мұздату және қайта сату
• Дайын тағамдарға зауыттан тыс соустар қосу
• Асхана қызметкерлерінен басқа адамдардың тағам дайындауға араласуы
• Дайын тамақтарды екі сағаттан артық сақтап сату
Тыйым салынған тағамдар:
• Қаймақ, сүзбе, айран
• Фарш салынған құймақ
• Флотша макарон
• Паштеттер, студень
• Кремді кондитерлік өнімдер
• Тәттілер
• Морс, квас
• Қуыру майында қуырылған тағамдар
• Шикі жұмыртқадан жасалған омлет
• Майонез және қаймақ қосылған салаттар
• Окрошка
• Саңырауқұлақтар
• Үй жағдайында дайындалған консервілер
• Жылдам дайындалатын құрғақ сорпалар
• Фаст-фуд өнімдері (гамбургер, хот-дог, пицца, наггетс, чипсы, дәмді сухариктер)
• Кетчуп, өткір соустар
• Пастеризациядан өтпеген сүт өнімдері
• Шұжық өнімдері, ысталған еттер
• Кофе және кофе сусындары
• Тұз мөлшері 0,5%-дан, қант мөлшері 25%-дан жоғары өнімдер
• Алкоголь, абрикос дәндері, сірке суы қосылған өнімдер
Тыйым 2025 жылдың 1 қыркүйегінен бастап күшіне енеді.
Ережемен таныстыңыз ба?🤔
