Кеш жарық, құрметті оқырман!
Назарларыңызға бүгінгі күннің ең маңызды жаңалықтарын ұсынамыз ✅
Forbes 2025: Қазақстандық жеті кәсіпкер әлемнің ең бай адамдары қатарына енді
Forbes 2025: Қазақстандық миллиардерлер саны артты
Forbes журналы 2025 жылғы Forbes World’s Billionaires жаһандық миллиардерлер рейтингін жариялады. Қазақстаннан тізімге жеті кәсіпкер енді:
1. Вячеслав Ким – 7,1 млрд доллар (2024 жылы – 5,8 млрд). Қазақстандағы ең бай бизнесмен атанып, Forbes рейтингінде 464-орынға көтерілді.
2. Михаил Ломтадзе – 5,9 млрд доллар (2024 жылы – 5,2 млрд), әлемдік рейтингте 597-орында.
3. Тимур Турлов – 5,8 млрд доллар (2024 жылы – 3,3 млрд), 605-орын.
4. Владимир Ким – 5,7 млрд доллар (2024 жылы – 3,6 млрд), 620-орын.
5-6. Тимур және Динара Құлыбаевтар – әрқайсысының байлығы 5,3 млрд доллар (2024 жылы – 5 млрд), 673-орын.
5. Болат Өтемұратов – 3,7 млрд доллар (2024 жылы – 2,7 млрд), 979-орын.
Қазақстандық миллиардерлердің жалпы байлығы 38,8 млрд доллар деп бағаланды (2024 жылы – 25,4 млрд).
Әлемдегі ең бай адамдар
Forbes рейтингінің көшін Илон Маск бастады – 342 млрд доллар (+147 млрд).
Марк Цукерберг 216 млрд доллармен екінші орынға көтерілді.
Джефф Безос – 215 млрд доллар, үшінші орын.
Былтыр көш бастаған Бернар Арно 178 млрд доллармен бесінші орынға түсті.
Әлемдегі ең бай 20 адамның жиынтық байлығы 2,8 трлн доллар.
Көш басын Вячеслав Ким бастап тұр екен!👍
Декреттік төлемдерге шектеу: 8 сәуірден бастап ең жоғары жәрдемақы мөлшері 595 мың теңге кіріске қарай есептеледі
2024 жылдың 8 сәуірінен бастап Қазақстанда декреттік жәрдемақының ең жоғары мөлшері 595 мың теңгемен шектеледі. Бұған дейін төлемдерде шектеу болмаған.
Мәселен, Қарағанды қаласының тұрғыны Марина Айтова әлеуметтік аударымдарын көбейту үшін бірнеше жерде жұмыс істеген. Алайда жаңа ережеге сәйкес, ол күткеннен аз жәрдемақы алады.
Негізгі өзгерістер:
• Декреттік төлемді есептеу кезінде ең жоғары кіріс 595 мың теңгемен шектеледі.
• Бұрынғыдай 2,5 миллион теңгеге дейін жәрдемақы алу мүмкін болмайды.
• Алынған төлемнің 10%-ы міндетті түрде зейнетақы қорына аударылады.
Мемлекеттік әлеуметтік сақтандыру қорының мәліметінше, бұл өзгерістер жалған кіріс көрсетудің алдын алу және қор қаржысының тиімді жұмсалуын қамтамасыз ету мақсатында енгізілген.
Экономист Марат Әбдірахманов мұндай өзгерістер бала туу көрсеткішінің төмендеуіне әсер етуі мүмкін деп санайды. Ол экономикалық тұрақтылық үшін өндіріске ҚҚС-ты алып тастап, импортқа ғана қалдыруды ұсынады.
Министрліктің мәліметінше, 2024 жылдың қыркүйегінен бері 2 мыңнан астам азамат табысын жалған көрсеткенін мойындап, 4 миллиард теңгеден астам қаржы үнемделген.
Мәссаған😮
SIM-картаны үшінші тұлғаға беру бойынша әкімшілік жауапкершілік енгізілуі мүмкін
Цифрлық даму, инновациялар және аэроғарыш өнеркәсібі министрі Жаслан Мәдиев SIM-картаны үшінші тұлғаға беру бойынша әкімшілік жауапкершілікті енгізу мәселесін қарастырып жатқанын мәлімдеді. Министрдің айтуынша, қазіргі уақытта министрлік бұл тақырып бойынша ұсыныстар жинап жатыр.
“Бұл мәселе әлі шешілген жоқ. Біз тек ұсыныстарды жинап жатырмыз. Қылмыстық жауапкершілік болмайды, бірақ әкімшілік айыппұл салынуы мүмкін”, – деді Мәдиев мәжіліс барысында.
Министр “үшінші тұлға” деген ұғымды түсіндіріп, ол SIM-карта иесімен байланысы жоқ адамды білдіретінін атап өтті. Айыппұлдың нақты мөлшері әлі белгісіз, бірақ министрдің айтуынша, биыл бұл мәселе бойынша тиісті ұсыныс енгізілуі жоспарлануда.
Қосымша, үкіметтің соңғы отырысында SIM-карталарды сатудың жаңа тәртібі енгізілетіні туралы айтылды.
Абай болыңыздар!📌
Жаслан Мәдиев TikTok-қа кіргенде VPN-ді пайдаланбауға кеңес берді
Министр Жаслан Мәдиев TikTok-қа VPN арқылы кірмеуге кеңес берді
Цифрлық даму, инновациялар және аэроғарыш өнеркәсібі министрі Жаслан Мәдиев TikTok-қа кіру кезінде VPN қолданбауға кеңес берді, деп хабарлайды Sputnik Қазақстан.
Министрдің айтуынша, VPN қолданған жағдайда TikTok-тың жұмысы қиындауы мүмкін.
“VPN арқылы кіргенде IP-адрес өзгереді. Бұл жағдайда қазақ және орыс тілді контенттің модераторлары трафикті жылдам анықтай алмайды. Сондықтан біздіңше, VPN қолдану TikTok жұмысына кері әсерін тигізуі мүмкін,” – деді Мәдиев Мәжілісте өткен брифингте.
Сонымен қатар, министр интернет байланысына қатысты ешқандай ақау жоқ екенін атап өтті.
“TikTok жұмысына әсер ететіндей интернетте ешқандай проблема байқалмайды,” – деді ол.
Мәдиев сондай-ақ TikTok трафигіне жауапты мемлекеттік орган – Мәдениет және ақпарат министрлігі екенін еске салды.
Ескере жүріңіз!▪️
