Кеш жарық, құрметті оқырман!
Назарларыңызға бүгінгі күннің ең маңызды жаңалықтарын ұсынамыз ✅
Кәсіпкерлерге арналған жаңа цифрлық сервис іске қосылды — Қаржы министрлігі
Қазақстан Қаржы министрлігі кәсіпкерлерге арналған жаңа цифрлы сервисті – «Кәсіпкердің бірыңғай жеке кабинеті» (КБЖК) жобасын әзірлеу үстінде. Қазір жоба даму кезеңінде: интерфейс жаңартылып, сыртқы платформалармен толық интеграция аяқталған.
Министрлік мәліметінше, қазіргі таңда кәсіпкерлер бірнеше ақпараттық жүйемен жұмыс істеп келеді: ЭШФ, БСП, Кеден, ҚЕД, E-Qazyna, СӘАЖ, Qoldau және тағы басқалар. Алайда бұл жүйелердің әрқайсысы туралы кәсіпкерлердің бәрі бірдей біле бермейді. Жаңа кабинет осының барлығын біріктіріп, бірыңғай әрі қолжетімді платформа ретінде қызмет көрсетпек.
КБЖК – бизнестің тіркелуінен бастап салықтық жеңілдіктер алу, сатып алуларға қатысу, есептілік тапсыру, төлемдерді нақтылау сынды барлық негізгі процестерді цифрлы форматта жүзеге асыруға мүмкіндік береді. Ең бастысы — мемлекеттік органдарға барудың қажеті жоқ.
Қызмет барынша ыңғайлы болу үшін жүйеге интуитивті интерфейс енгізілген. Сонымен қатар, веб-нұсқамен қатар, барлық функционалды қамтитын мобильді қосымша да әзірленіп жатыр. Ол App Store және Play Market арқылы жүктеп алуға болады.
Бұл бастама – ұлттық цифрлы трансформация аясындағы маңызды қадам және Мемлекет басшысының тапсырмаларын орындау шеңберіндегі жобалардың бірі. Оның басты мақсаты – мемлекет пен бизнес арасындағы жаңа, ашық әрі тиімді қатынас мәдениетін қалыптастыру.
Енді әр кәсіпкердің жеке кабинеті болмақ👍
Министр бірқатар отандық тауарды шығару көлемі 30%-ке артқанын мәлімдеді
Өнеркәсіп және құрылыс министрі Ерсайын Нағаспаевтың айтуынша, үкіметтің отандық өнімдерді қолдау жөніндегі шаралары бірқатар салалардың айтарлықтай дамуына ықпал етті.
«Қабылданған шешімдер тұрмыстық химия, лак-бояу және жағармай өнімдерінің өндірісін ынталандырып, нәтижесінде бұл тауарлардың өндіріс көлемі 2024 жылдың қорытындысы бойынша 30%-ға артты», – деді министр үкімет отырысында.
Сонымен қатар, ауыл шаруашылығында қолданылатын тыңайтқыштардың сыртқа заңсыз шығарылуын шектеу мақсатында аммофос пен селитра сынды маңызды өнімдердің экспортына лицензия тәртібі енгізілді. Бұл қадам ішкі нарықтағы бағаны тұрақтандырып, фермерлерге тыңайтқыш жеткізуді көбейтуге сеп болды.
Нағаспаевтың мәліметінше, 2030 жылға қарай үкімет шаруаларды толықтай отандық тыңайтқышпен қамтамасыз етуді көздеп отыр. Осы мақсатта тыңайтқыш өндіретін жаңа жобалар іске қосылып, жалпы өндіріс көлемі 4 миллион тоннаға дейін жеткізілмек.
Министр алдағы уақытта карбамид, калий хлориді және дикальцийфосфат сияқты тыңайтқыш түрлерін де шығару жоспарланғанын атап өтті.
Тұрмыстық химия мен жағармай өндірісі 30%-ға артыпты📌
Биыл 2,8 мың жас маман тұрғын үймен қамтамасыз етіледі
Экономика министрлігі баспасөз қызметінің мәліметінше 2025-2027 жылдары «Дипломмен ауылға» бағдарламасы ауылдық аумақтарды білікті кадрлармен қамтамасыз етуді жалғастырады.
«AMANAT» партиясының 2003-2007 жылдарға арналған «Халықпен бірге» сайлауалды бағдарламасының Жол картасын орындау шеңберінде ауылдық жерге жіберілетін мамандарға бюджеттік кредит беруге 2025 жылы 25 млрд теңге қарастырылған», — деп жазылған хабарламада.
Ведомство бұл қаржы шамамен 2,8 мың маманды тұрғын үймен қамтамасыз етуге мүмкіндік беретінін атап өтті.
Бұл «Дипломмен ауылға» бағдарламасы аясында жүзеге асырылады екен📍
Астанада 600-ден астам бала Жеңіс күніне арнап Бауыржан Момышұлының алып портретін жасады
Астанада Ұлы Отан соғысындағы Жеңіс күніне арнап және халық қаһарманы Бауыржан Момышұлының туғанына 115 жыл толуына орай ең ірі портрет-фотомозаика жасалды.
Ерекше патриоттық іс-шара шығармашылық тапсырыстарға белсенді жолдамалары бар өнер үйірмелерінен 600-ден астам баланың, 115 мемлекеттік тапсырыс жеткізушінің басын қосты.
Бауыржан Момышұлының алып бейнесі жүздеген баланың жұмысынан жиналған, ол 2736 шаршы метр аумақты алып жатыр. Мозаиканың өлшемі 32-ден 70 метрге дейін болды. Әрбір үзіндісі әр баланың қосқан жеке үлесі. Бүкіл композиция ұрпақтар бірлігінің символына айналды және батырдың ерлік жолына деген ризашылық белгісі болды.
«Бұл жай ғана портрет емес, бұл – балалардың шығармашылығы арқылы жеткізілген шынайы оқиға», – дейді ұйымдастырушылар.
Жоба қазірдің өзінде дүниежүзілік рекордтар кітабына тіркелуге өтініш берді. Рекорд расталғаннан кейін барлық қатысушы атаулы сертификаттар мен медальдарға ие болады және олардың есімдері жетістіктер кітабына енгізіледі.
Тамаша!😍
