Кеш жарық, қыздар мен жігіттер!
Назарларыңызға бүгінгі күннің ТОП-3 жаңалығын ұсынамыз✅
1️⃣ Қабырғаға жабыстырылған бананнан жасалған өнер туындысы 6,2 миллион долларға сатылды
Бұл ақпаратты Sotheby’s аукцион үйі
хабарлады. Reuters мәліметінше, ерекше өнер туындысын қытайлық коллекционер, криптовалюта кәсіпкері, Tron платформасының негізін қалаушы Джастин Сан сатып алған.
Италиялық суретші Маурицио Каттеланның “Комедиан” атты жұмысы алғаш рет 2019 жылы Майамидегі Art Basel көрмесінде таныстырылғанда, өнер әлемінде үлкен резонанс тудырған болатын.
Нью-Йорктегі Sotheby’s аукционында бұл жұмыс сәрсенбі күні небәрі бес минут ішінде 800 мың доллардан 5,2 миллион долларға дейін қымбаттады. Бұл бағаға сатып алушының комиссиясы да кірген. Sotheby’s дерегінше, бұл сомма алдын ала болжанған 1,5 миллион доллардан әлдеқайда жоғары болды.
Artnet.com сайтының мәліметіне сәйкес, егер банан бұзылып кетсе, сатып алушы оны өз еркімен алмастыра алады.
“Бұл тек өнер туындысы ғана емес. Бұл өнер әлемін, мемдер мен криптовалюта қауымдастығын тоғыстыратын мәдени феноменге айналады. Бұл жұмыс болашақта жаңа көзқарастар мен пікірталастар туғызып, тарихтың ажырамас бөлігі боларына сенемін”, — деді Джастин Сан.
Егер банан шіріп жатса, оны ауыстырып қоюға болады екен😀 Осындай өнер туындысын алар ма едіңіз?🤔
2️⃣ Жаңа жылда қазақстандықтардың неше күн демалатыны белгілі болды
ҚР Еңбек және халықты әлеуметтік қорғау министрлігі 2025 жылдың қаңтарындағы демалыс күнін ауыстыруды көздейтін бұйрық дайындады.
“ҚР Еңбек және халықты әлеуметтік қорғау министрінің “2025 жылы демалыс күнін ауыстыру туралы” бұйрығына сәйкес, 2025 жылғы 5 қаңтардағы жексенбі, яғни демалыс күні 2025 жылғы 3 қаңтарға, жұмаға ауыстырылады”, — деп хабарлады министрлік.
Хабарламаға сәйкес, аптасына бес күн жұмыс істейтін қазақстандықтар 1-4 қаңтар, ал жұмыс аптасы алты күнді құрайтын азаматтар – 1-3 қаңтар күндері демалатын болды.
Алты және бес күн жұмыс істейтіндер үшін демалыс уақыты әртүрлі📍
3️⃣ ШҚО-да көктайғаққа байланысты оқушылар үйден оқып жатыр
Шығыс Қазақстан облысы Глубокое ауданындағы бірнеше мектеп оқушылары көктайғаққа байланысты онлайн форматта білім алатын болды.
ШҚО төтенше жағдайлар департаменті көктайғақ туралы ақпаратты халыққа әлеуметтік желілер мен мессенджерлер арқылы таратты.
“Балалардың қауіпсіздігін қамтамасыз ету мақсатында мектептердегі оқуды онлайн форматқа ауыстыру туралы шешім қабылданды. Көктайғақ әсіресе ауыл халқының ары-бері жүруіне қолайсыздық пен жарақат алу қаупін тудырады”, — деп хабарлады ведомство өкілдері.
Глубокое ауданындағы Белоусовка, Предгорное, Прогресс, Кожохово, Опытное поле ауылдарында 0-9 сыныптар аралығындағы оқушылар сабақты қашықтан оқиды.
Қолайсыз күндерде абай болыңыздар!🙌🏻
