Бәріне сәлем!
Қыздар мен жігіттер, назарларыңа кезекті ТОП-3 жаңалықты ұсынамыз!🔥
1️⃣ «Білім гранттары» конкурсына өтінімдерді қабылдау мерзімі 30 тамызға дейін ұзартылды.
Бұл туралы «Тайбурыл» қоғамдық бірлестігі хабарлады. Студенттердің өтініш беріп, «Қазақстан халқы» ҚҚ грантын алуына тағы 5 күн қалды.
«Тайбурыл білім беру гранттары жобасын жүзеге асыруға көмектеседі және бакалавриат бағдарламаларының 2, 3, 4 курстарының студенттерінен өтінімдерді қабылдап, өңдеу үшін өзінің техникалық платформасын ұсынады. Бағдарлама туралы толық ақпаратты «Қазақстан халқына» қоғамдық қорының сайтынан білуге болады», – деді Қауымдастық басқармасының төрағасы Олжас Худайбергенов.
Бакалавриат бағдарламаларының 2, 3, 4 курс студенттері Taiburyl сайтында онлайн түрде өтініш береді.
Өтінімді кімдер бере алады:
▪️ мүмкіндігі шектеулі тұлғалар, оның ішінде 1 және 2 топтағы мүгедек студенттер;
▪️ кәмелетке толғанға дейін жетім немесе ата-анасының қамқорлығынсыз қалған студенттер;
▪️ ауылдық жерлерден аз қамтылған көп балалы отбасылардан шыққан студенттер;
▪️ 1 және 2 топтағы мүгедек балаларды тәрбиелеп отырған толық емес отбасылардан шыққан студенттер;
▪️ ата-анасы/ата-анасы 1 және 2 топтағы мүгедек студенттер.
Үлгеріп қалыңыздар ма?🤔
2️⃣ Қызылорда облысының әкімі Нұрлыбек Нәлібаев екі жасар сәбиді құтқарып қалған 15 жастағы Арман Аманжоловқа екі бөлмелі пәтердің кілтін табыс етті.
Бұл туралы облыс әкімінің баспасөз қызметі хабарлады.
Сый облыстық Тамыз педагогикалық кеңесінде салтанатты түрде табысталды. Аймақ басшысы жас батырға ерекше алғысын білдірді және бұл пәтер демеушілер атынан берілетінін атап өтті.
«Қарапайым ауыл баласының бұл ерлігі өзі сияқты балаларға үлгі болсын, елімізде мұндай азаматтар көп болсын. Көрсеткен ерлігі мен батылдығы үшін алғыс айтамыз. Сіз нағыз батырсыз!» – деді аймақ басшысы пәтер кілтін табыстап.
Еске салайық, 19 тамызда Қызылордада төрт метрлік кәріз құдығына түсіп кеткен екі жасар баланы кездейсоқ өтіп бара жатқан жасөспірім құтқарып қалған.
Арман Қызылордаға Ихсанов атындағы Қызылорда политехникалық колледжіне түсу үшін келген. Таңдаған мамандығы – электрик. Ол көпбалалы отбасынан шыққан жігіт.
Еліміздің ержүрек азаматтары көбейе берсін! 👏🏻👏🏻👏🏻
3️⃣ Simi триосы Ethnotronica Almaty-да өнер көрсетеді. Үш сағаттық эксклюзив dance-шоу 10 қыркүйекте Алматының басты open-air алаңы – Республика сарайының алдындағы Республика алаңында өтеді. Кіру тегін.
Жобаның бас серіктесі – Magnum Cash & Carry. Фестиваль Алматы қаласы әкімдігінің қолдауымен қала күні аясында өткізіледі.
Концертке барасың ба?🙂
