Кеш жарық, қыздар мен жігіттер!
Назарларыңа бүгінгі күннің ТОП-3 жаңалығын ұсынамыз✅
1️⃣ Қазақстанның бокс федерациясы World Boxing құрамына енді
Бұл туралы АҚШ-тың Колорадо-Спрингс қаласында өткен World Boxing халықаралық бокс федерациясының конгресінде хабарланды.
Бүгінде World Boxing (WB) ұйымына 55 кіріп отыр.
Конгресс барысында жарыс өткізу регламентіне де енгізілген өзгерістер қабылданды. Атап айтқанда, турнирлер жаңа салмақ дәрежелерінде өткізілетін болады. Сондай-ақ төрешілердің жекпе-жек барысындағы және жеңімпаздарды анықтау кезіндегі жұмысына да өзгерістер енгізілді.
World Boxing Олимпиадалық комиссиясының төрағасы Геннадий Головкин конгресс қатысушыларын алдында сөз алып, U19 жасөспірімдер арасындағы алғашқы әлем чемпионатын және конгресті ұйымдастырғаны үшін US Boxing ұйымына алғыс білдірді.
Өз сөзінде ол Португалияда өткен Ұлттық олимпиада комитеттері қауымдастығының (ҰОКҚ) Бас Ассамблеясында әртүрлі елдердің Ұлттық олимпиада комитеттері және Олимпиада қозғалысының өзге де спорттық ұйымдарымен кездесулер өткізген World Boxing Олимпиадалық комиссиясының жетістіктерін атап өтті, — делінген мәліметте.
Конгресс барысында Қазақстанның бокс федерациясы Лос-Анджелестегі Олимпиада ойындарына іріктеу турнирі ретінде 2027 жылғы бокс бойынша әлем чемпионатын өткізуге өтінім берді. Әлемдік ұйымның шешімі жақын арада белгілі болады.
Құтты болсын! 👍
2️⃣ Бокстан жастар арасындағы әлем чемпионаты кезінде Қазақстан жалпы есепте топ жарды
25 боксшымыз сынға түскен айтулы бәсекеде Қазақстан құрамасы өз тарихында алғаш рет жалпы есепте бірінші орынға ие болды.
Қазақстан сапында чемпион атанған боксшылар:
Боранбек Бексұлтан (51 келі)
Төрехан Сабырхан (67 келі)
Өнер Сейілхан (71 келі)
Санжар-Али Бегалиев (75 келі)
Елянур Турганова (50 келі)
Аружан Зейноллаева (81 келі)
Жалпы жүлде кестесі:
Қазақстан — 6 алтын, 1 күміс, 10 қола
Өзбекстан — 5 алтын, 5 күміс, 3 қола
Ресей — 5 алтын, 2 күміс,1 қола
Қытай — 3 алтын, 3 күміс, 4 қола
Ирландия — 3 алтын
Түркия — 1 алтын, 2 күміс, 3 қола
Солтүстік Корея — 1 алтын, 1 күміс
Мексика — 1 алтын, 1 қола
Әзербайжан — 2 күміс, 3 қола
Бейтарап — 2 күміс, 1 қола
Куба — 2 күміс
Иран — 1 күміс, 2 қола
Франция — 1 күміс, 1 қола
Колумбия — 1 күміс
Испания — 1 күміс
Пуэрто-Рико -1 күміс
Польша — 3 қола
Армения — 3 қола
Венесуэла — 2 қола
Қырғызстан — 2 қола
Грекия — 2 қола
Тунис — 2 қола
Румыния — 2 қола
Сербия — 1 қола
Беларусь — 1 қола
Жаңа Зеландия — 1 қола
Болгария — 1 қола
Марокко — 1 қола.
Тамаша!🔥
3️⃣ Мәдениет және ақпарат министрі халықаралық киностудиялар қазақ дубляжының дамуына сеп болып отырғанын жеткізді
«Бүгін біз халықаралық киноиндустриядағы маңызды тенденцияны байқап-бағамдап отырмыз. Sony, Disney және Pixar сияқты ірі студиялар фильмдерін қазақ тілінде дубляждап шығарып, қазақ дубляжының өрістеуіне сеп болып отыр. Жақында жарық көрген «Веном: Соңғы би» фильмі қазақ тілінде көрермен назарына ұсынылып, осы үрдістің жарқын мысалына айналды. Голливудтық студиялардың қазақ тіліне дубляж жасауды қолдауы мәдени диалогты дамытуға ықпал етіп қана қоймай, тіліміздің насихатталуына тың серпін береді», — дейді Балаева.
Министрдің айтуынша, әлемдік компаниялардың қазақ тіліндегі дубляж жасауға кететін шығынды өз мойнына алуы – қазақ тілін әлемдік мәдени алуандықтың маңызды элементі ретінде мойындауының белгісі.
«Қазргі кезде тек қазақ тіліндегі дубляжды фильмдер шығару ғана емес, сонымен қатар, қазақ тілінің дамуына үлес қосатын маңызды бастамаларды да қолдау өте маңызды. Өйткені дубляж – жай ғана аударма емес, әлемдік образдар мен сюжеттерді қазақтілді аудиторияға жақындататын, зор жауапкершілікті талап ететен ерекше өнер. Осындай жемісті жұмыс атқарып жүрген серіктестерімізге алғыс айтамын», — деп жазды министр.
Қазақша дубляждар көңіліңізден шыға ма?🤔
