Кеш жарық, қыздар мен жігіттер!
Назарларыңа бүгінгі күннің ТОП-3 жаңалығын ұсынамыз✅
1️⃣ Қазақстандық оқушылар робототехникадан үш дүркін әлем чемпионы атанды
Грекияда робототехникадан ең ірі чемпионат FIRST Global Challenge өз мәресіне жетті. Қазақстандық оқушылар бірнеше бағыт бойынша көш бастап қана қоймай, 190 елдің арасынан басты жүлдені жеңіп алып, рекордтық нәтижеге қол жеткізді.
Осылайша Қазақстан құрамасы үшінші жыл қатарынан өзінің чемпиондық титулын дәлелдеп келеді. Біздің команданың құрамына Алматы қаласының ФМБ НЗМ-нің оқушылары: Ердәулет Түргенбаев, Әлфия Байжақып, Нұржан Көкеев, Досжан Дайран және Қадылбек Дастан енді. Жаттықтырушылары — Нұрдәулет Досмағамбет пен Дулат Байтуленов.
Grand Challenge Award номинациясы бойынша алтын медаль мен ойындардағы рекордтық ұпай санынан басқа, қазақстандық құраманың жүлде қоры жоғарғы төрешілер номинациясында екі күміс медальмен толықты: А.Эйнштейн атындағы FIRST Global International Excellence және үздік инженерлік әзірлемелер үшін Robots Skills Challenge. Бұдан басқа Әл-Хорезми атындағы Outstanding Supporter номрнациясында күміс медальмен отандық USTEM FOUNDATION жас инженерлерге көрсеткен қолдауы үшін марапатталды.
«Біз жарыста топ жарып, еліміздің жүлде қоржынын алтын медальмен толықтырдық және рекордқа қол жеткіздік. Әлемнің бірде бір елі екі дүркін чемпион бола алмады, ал біздің балаларымыз үшінші жыл қатарынан жеңіс тұғырынан көрінді. Айта кету керек, команда құрамы осы жылдарда қайталанған емес, еліміздің намысын қорғауға әр жарысқа үнемі жаңа ойыншы аттанып отырады, олар сайыстың ұлттық кезеңінде іріктеледі», — дейді қордың негізін қалаушы және құраманың жаттықтырушысы Асылбек Мұрзахметов.
Құтты болсын!🔥
2️⃣ Астанада Денис Тенді еске алуға арналған халықаралық турнир өтеді
Мәнерлеп сырғанаудан «Denis Ten Memorial Challenge 2024» V Халықаралық турнирі ұйымдастырылмақ.
Бұған 31 елден 120-ға жуық спортшы қатысады, олардың арасында Диас Жиренбаев (Қазақстан), Даниэль Грассль (Италия), Анастасия Губанова (Грузия), Старр Эндрюс (АҚШ), Алекса Ракич (Канада), Йе Куан және Ханна Лим (Оңтүстік Корея) және басқалары бар.
Жарыс екі санатта өтеді – ересектер мен жасөспірімдер, жеке конькимен сырғанау және мұз биі.
Көрермендер үшін кіру тегін. Сонымен, турнир 3 және 4 қазанда сағат 11.00-ден 20.00-ге дейін және 5 қазанда сағат 19.30-да марапаттау рәсімі мен гала-шоу өтеді.
Жарыс кестесі ұйымдастырушының, яғни «Денис Тен қоры» қоғамдық қоры @denistenfoundation ресми парақшасында жарияланады.
Іс-шара Қазақстанның туризм және спорт министрлігінің, Астана әкімдігінің және Sportqory спортты қолдау қорының қолдауымен ұйымдастырылады.
Турнир 3-5 қазан күндері «Барыс Арена» спорт кешенінде өтеді екен👍
3️⃣ Қазақстан білім индексі бойынша әлемдік рейтингте 74-ші орынға тұрақтады
Қазақстан индексі 45,6 болды, ал әлемдік орташа көрсеткіш — 47,54. Индекс — білім беру, АКТ, зерттеулер мен әзірлемелер, ел экономикасы сияқты секторларды қамтитын жеті құрама субиндекс.
ТМД елдерінің ішінде индекстің жоғары мәні Украинада, Арменияда, Молдовада, Ресейде, Беларусьта байқалды. Өзбекстан, Қырғызстан, Тәжікстан және Әзербайжан сияқты елдерде жағдай нашар.
Осы уақытта рейтингтің көшбасшысы 69,1 индексімен Швейцария болды. Үздік бестікке Финляндия, Швеция, Нидерланды және АҚШ кірді.
Биыл қаңтар — тамыз айларының қорытындысы бойынша Қазақстанда білім беру саласындағы негізгі капиталға салынған инвестициялар 414,9 млрд теңгеге жетті — бұл өткен жылмен салыстырғанда 69,2%-ке артық.
Бұл 133 ел арасындағы көрсеткіш📌
