Бәріне сәлем!
Қыздар мен жігіттер, назарларыңа кезекті ТОП-3 жаңалықты ұсынамыз!✔️
1️⃣ Қазақстан нарығына эстониялық Bolt компаниясының жаңа такси қызметі кіруі мүмкін.
Бұл туралы Көлік министрі Марат Қарабаев айтты.
“Басқа да халықаралық агрегаторлар да біздің нарыққа кіруді пысықтап жатыр. Мәселен, Bolt компаниясынан ұсыныс болды. Бұл эстониялық компания Еуропадағы өте танымал. Олар бізге хабарласып, еліміздің нарығын қарастырып отыр. Егер осы компания бұл қызметті іске қосу туралы шешім қабылдаса, біз оларды қолдаймыз”, — деді М. Қарабаев.
Оның пайымынша, жаңа компания нарыққа кірсе, осы бәсекелестік елімізде такси тарифін төмендетуге ықпал тетеді.
Бұл қаншалықты қажет деп ойлайсыз?🤔
2️⃣ Қазақстан маймыл шешегіне байланысты шекарада санитарлық бақылауды күшейтті.
Денсаулық сақтау вице-министрі Ержан Нұрлыбаев бүгінгі таңда Қазақстанда эпидемиологиялық жағдай тұрақты, сирек жұқпалы ауруды жұқтыру жағдайы тіркелмегенін айтты.
«Қазақстан Республикасы аумағында індеттің пайда болу қаупі аз. Осыған қарамастан, министрлік бұл инфекцияның таралуына жол бермеу үшін барлық қажетті алдын алу шараларын қабылдауда. Мемлекеттік шекара арқылы өткізу бекеттерінде санитарлық-карантиндік бақылау күшейтілді», — деді Ержан Нұрлыбаев.
Үкімет басшысы әзірге алаңдауға негіз жоқ екенін, алайда тоқмейілсуге болмайтынын атап өтті.
Сақтанып жүріңіздер!
3️⃣ Геннадий Головкин 2025 жылы кәсіпқой рингке қайта оралуы мүмкін
boxingnews.com сайтының хабарлауынша, Сауд Арабиялық бай, бокс спортының инвесторы Турки Аль аш-Шейх Геннадий Головкинге рингке оралуға ұсыныс жасаған.
Ол Головкинге рингке оралғаны үшін жақсы ақша төлеуге уәде еткен. Сонымен қатар ол 2025 жылдың алғашқы жартысында төрт салмақта әлем чемпионы Теренс Кроуфордпен (41-0-0,31КО) жұдырықтасуы керек.
Ықтимал айқас Теренс Кроуфордтың мексикалық боксшы Сауль Альварес (61-2-2,39КО) арасындағы жекпе-жек алдындағы дайындығы болмақ. Себебі америкалық боксшы Алвареспен 168 фунд салмағында бокстасады. Ал Головкин оның орта салмақтағы (160 фунд) алғашқы қарсыласы және Альвареспен 3 рет қолғап түйістірген.
Сәттілік тілейміз!🙌🏻
