Кеш жарық, қыздар мен жігіттер! Назарларыңа бүгінгі күннің ТОП-3 жаңалығын ұсынамыз✅
1️⃣ iPhone 15 Pro Max тарихтағы ең қымбат айфондардың бірі болады.
Қытайдың Economic Daily News экономикалық басылымының инсайдерлері жаңа iPhone телефондарының бағасы қандай болатынын анықтады. Бұған дейін 2023 жылғы iPhone телефондары қымбаттайды деген қауесет тараған болатын. Қазір дәл осы ақпаратты беделді ақпарат көздері растап отыр.
Ашық ақпаратқа сәйкес, iPhone 15 желісі 10-20 пайызға қымбаттайды. Бұл iPhone-ның қазіргі құнына шамамен 100-200 долларды құрайды. Егер қазіргі таңда iPhone 14-тің минималды нұсқасы 799 доллар тұратын болса, iPhone 15 бағасы 899 долларды құрайды.
Бағасы 15-20 пайызға қымбаттайды екен!😯
2️⃣ 6 маусымнан бастап Алматыда ЖОО мен колледж түлектерін, сондай-ақ жұмыссыз жастарды жұмысқа орналастыруға бағытталған мансап күндері басталады.
Бұл туралы Алматы қаласының Өңірлік коммуникациялар қызметінің алаңында Жастар саясаты басқармасының және қалалық Мансап орталығының өкілдері айтып берді.
Бос орын жәрмеңкелері бір ай көлемінде мегаполистің барлық аудандарында өткізіледі.
«Оқу орындарының, мемлекеттік құрылымдардың және жұмыс берушілердің және мансап орталықтарының күш-жігерін біріктіру және үйлестіру үшін біз «Depo Evolution Park» жастар лофт орталығының базасында қалалық Мансап орталығын құрдық. Бүгінгі таңда Жастар саясаты басқармасы Алмалы, Медеу және Наурызбай аудандарында 3 мансап күнін өткізді», — деді Жастар саясаты басқармасы басшысының орынбасары Әзиз Қажденбек.
Қатысып, бағыңызды сынап көріңіз!✔️
3️⃣ Қазақстан президенті үкіметке қамқорлықтағы ерекше қажеттіліктері бар адамдар мен отбасында асыраушысынан айырылған жандарға берілетін жәрдемақыны 14,5 пайызға арттыруды тапсырды.
Тапсырмаға сәйкес, оның аясында мүгедектерге, асыраушысынан айырылған отбасыларға берілетін жәрдемақылар, сондай-ақ кейбір арнайы мемлекеттік жәрдемақы мөлшері өсті.
Айтпақшы, жаңа кодекстің енгізілуімен қазақстандықтардың әлеуметтік құқықтарын реттейтін 10 заң күшін жояды. Олардың нормалары іс жүзінде өзгеріссіз бір құжатқа біріктірілді.
Күші жойылған заңдардың қатарында «Балалы отбасыларға берілетін мемлекеттік жәрдемақылар туралы» заң да бар. Бірақ ол реттейтін төлемдер, негізінен, сол мөлшерде қалды. Жалғыз ерекшелік — алушылардың екі санаты үшін жеңілдіктер болады.
Балалы отбасыларға қандай жеңілдіктер қарастырылған?
Жоғарыда атап өткеніміздей, үкіметтің алдында мүгедектер мен оларға қамқорлық жасайтындарға төленетін төлемдерді арттыру міндеті тұрды. Жоғарыда аталған заңда мұндай жеңілдіктер мүмкіндігі шектеулі балаларды тәрбиелеп отырған адамдарға ғана белгіленген.
Қазіргі уақытта ол 1,4 ең төменгі күнкөріс деңгейі (ӨМ) немесе 2023 жылы 56 794 теңге. Ал ҚР Әлеуметтік кодексінің 184-бабына сәйкес, 1 шілдеден бастап бұл жәрдемақы 1,61 мин, яғни 65 313 теңгені құрайды.
Төлемдердің жаңа мөлшері 2023 жылдың 1 шілдесінен бастап күшіне енеді.📌
