🎄Жаңа жыл құтты болсын! Жаңа жылдың алғашқы күні ретінде 1 қаңтарды ресми түрде бекіткен Юлий Цезарь еді. Ол б.з.д. 46 жылы юлиан күнтізбесін енгізіп, бұл күнді жыл басы деп жариялады. Шығыс күнтізбесіне сай, 2025 жылдың нышаны – Жасыл Ағаш Жылан. Қытай мәдениетінде адамның бойына дарыған қасиеті туған жылының жануарына байланысты деп есептеледі. Мәселен, “жылқы” еңбекқорлықтың белгісі болса, “жолбарыс” – батылдықтың, ал “жылан” – даналықтың белгісі. Сонымен бірге жылан көптеген халықтың дәстүрінде тек даналықты емес, емдік қасиеттің және жаңғырудың нышаны ретінде де қабылданады.
Оқырмандарымызға зор денсаулық, қажымас қайрат тілейміз! Ойға алған істеріңіз жүзеге асып, мақсаттарыңыз орындала берсін!
👣1 қаңтарда халықаралық деңгейде қоғамдық меншік күні аталып өтеді. Көптеген елдің заңнамасына сәйкес, жаңа жылдың алғашқы күнінде авторлық құқық мерзімі аяқталған шығармалар қоғамдық меншікке айналады. Бұл күні көпшілікке сол шығармалардың және олардың авторларының тізімі жарияланады. Мұндай жүйе алғаш рет 2010 жылдың 1 қаңтарында іске қосылды. Осы арқылы азаматтар әлемдік өнердің шектеусіз көпшілікке қолжетімді болғанын нақты біле алады.
👀1 қаңтарда халықаралық мастану күні аталып өтеді. 31 желтоқсанда бүкіл әлем жаңа жыл мерекесін қарсы алады. Ал 1 қаңтар бас жазумен жалғасады. Себебі көпшілігі мерекеден кейін мастану салдарының зардабын сезініп жатады. Күнтізбеге осы күнді алғаш рет Alka-Seltzer өнімін шығарушы британдық Bayer Healthcare компаниясы енгізді. Сарапшылар ағзаның ішімдікке өзіндік реакциясы болатынын айтады. Сондықтан аталмыш синдром әртүрлі белгімен жүруі мүмкін. Егер жаңа жыл күні әлсіздікпен бетпе-бет келгіңіз келмесе, мереке қарсаңында шамадан тыс ішімдік тұтынбауға кеңес береміз. Тіпті олардан мүлдем бас тартқаныңыз да дұрыс.
👥1 қаңтарда қазақтың атақты екі тұлғасы өмірге келді. 120 жыл бұрын суретші, акварель, қазақ халқының суретшісі Әбілхан Қастеев (1904-1973) дүниеге келді. Ол қазақ бейнелеу өнерінің негізін қалады. Мемлекеттік өнер мұражайына және Қазақстанның бірнеше қаласындағы көшеге Әбілхан Қастеевтің есімі берілген. Сондай-ақ 102 жыл бұрын опера және эстрада әншісі Роза Бағланова (1922-2011) өмірге келді. Ол қазақ халық музыкасын дамытуға және насихаттауға үлкен үлес қосып, әлемдік деңгейде танылған алғашқы қазақ әншісі атанды. Өнер иесі Австрияда, Қытайда, Бельгияда, Канадада, Швецияда, Үндістанда және басқа да көптеген елде концертін өткізді.
Роза Бағланованың қандай әнін ұнатасыз?
