💅2012 жылы 1 тамыздан бастап халықаралық нәзіктік флешмобы өткізіліп келеді. Акция шартына сәйкес, бүгінде әлемнің көптеген елінде сағат 19:00-де әдемі киінген әйелдер гүл шоқтарын ұстап, жақсылық пен бейбітшілік тілегі жазылған ашық хаттармен алаңға шығады. Қатысушылар әйелдер тағдыры мен бақыты туралы әңгімелейді. Сонымен қатар фотосессияларға қатысып, бір-біріне жақсы көңіл күй сыйлайды.
Сіз осындай акцияларды қолдайсыз ба?
👏1967 жылы 1 тамызда Қазақстанның мәдени өмірінде қызықты екі оқиға болды. Атап айтатын болсақ, Баянауылда «Дос-Мұқасан» ансамблінің музыканттары алғашқы концертін берді. Бұл күн олардың ресми туған күні болып саналады. Топтың аты музыканттардың аты-жөнінен құралған: «Дос» — Досым Сүлеев, «Мұ» — Мұрат Құсайынов, «Қа» — Қамит Санбаев, «Сан» — Санья Литвинов болып шықты. Бұл төрттік қазақтың «Битлзы» деп аталатын аты аңызға айналған ансамбльдің алғашқы құрамының негізі болды. Дәл осы күні балетмейстер Болат Аюханов КСРО Мәдениет және өнер тарихында тұңғыш рет «Алматының жас балеті» хореографиялық миниатюралар ансамблін құрып, оның тұрақты жетекшісі, ұстазы, орындаушысы және концертмейстеріне айналды. 2003 жылы Аюханов труппасы Қазақстан Республикасының Мемлекеттік академиялық би театрына айналды.
Сіз «Дос-Мұқасан» фильмін көрдіңіз бе?
👥1 тамыз — есімі мәдениетпен байланысты қазақтың екі атақты тұлғасының туған күні. 130 жыл бұрын қазақтың дәстүрлі көне музыкалық аспаптарын жетілдіру ісімен айналысқан тұңғыш органолог Қамар Қасымов (1893-1966) дүниеге келді. Шебердің үлкен жетістігі – «Қамар-қобыз» атауы берілген, үні скрипкаға сәйкес келетін келетін аспап жасап шығаруы. Сондай-ақ 91 жыл бұрын композитор, КСРО халық әртісі, Қазақстан Мемлекеттік сыйлығының лауреаты Ерқағали Рахмадиев (1932-2013) дүниеге келді. Өнер иесі төрт ән мен романс жинағының, фильмдер мен театрландырылған қойылымдарға арналған музыканың авторы.
🥳1 тамыз — әлемге әйгілі екі тұлғаның туған күні. 89 жыл бұрын француз сәнгері Ив Сен-Лоран (1936-2008) дүниеге келді. Ол биік өкшелі етік пен смокинг сияқты ерлер гардеробының элементтерін әйелдер сәніне енгізген унисекс стилінің негізін қалаушылардың бірі. Сәнгер бірінші болып қара нәсілді модельдерді өз топтамаларының шоуына қатысуға шақырды. Сондай-ақ бүгін американдық актер, режиссер, сценарист және гавайиден шыққан продюсер Джейсон Момоа 44 жасқа толды. Ол 30-дан астам ғылыми-фантастикалық экшн фильмдерде қатыгез және жауынгер кейіпкерлерін сомдап, көпшілікке танымал болды.
Сізге Джейсон Момоаның қай фильмі ұнайды?
