☑️ Бүгін – ғылымда әйелдер мен қыздардың халықаралық күні аталып өтеді. Бұл әйелдер мен қыздардың теңдік үшін тарихтағы өте маңызды күні. Заманауи қоғам оның дұрыс бағытта дамып келе жатқанын, өшпенділік пен кемсітушілікке жол жоқ екенін тағы бір мәрте көрсетіп отыр. Алғашқы мерекелік шаралар 2016 жылы Халықаралық электр байланысы одағының бастамасымен өтті. Мұнда олар бірінші болып әйелдер мен қыздарды заманауи телеақпараттық технологияларды дамытуға белсенді қатысуға шақырды.
Оқырмандарымызды осы мерекемен құттықтаймыз!
☑️ Ақпанның әр екінші сенбісі – Дүниежүзілік кино күні аталып өтеді. Бұл күн 1895 жылы 13 ақпанда қозғалатын бейнені алуға арналған әлемдегі алғашқы аппаратты патенттеген ағайынды Огюст пен Луи Люмьерлердің өнерге қосқан үлесі үшін оларға құрмет көрсету мақсатында тойланады. Сол жылдың желтоқсан айында өнертапқыштар Парижде «Пойыздың Ла-Сиотаға келуі» фильмінің көрсетілімін ұйымдастырып, «Кинематограф» жұмысын көрсетіп, көрермендердің ықыласына бөленді. Ағайындылар 1895 жылдан 1946 жылға дейін 1800-ден астам картина жасады. Олар қазір Француз синематигінің мұрағатында сақтаулы.
Сіздің сүйікті фильміңіз қандай?
☑️ Сондай-ақ бүгін – дүниежүзілік науқастар күні. Бастамашысы – Рим Папасы Иоанн Павел II. Оған прогрессивті Паркинсон ауруы диагнозы қойылған болатын. 1993 жылдан бері аталмыш күн бүкіл ғаламшарға адамдарда кездесетін түрлі ауруға бей-жай қарамауға шақырады.
Сіз ауру адамдарға көмектесуге тырысасыз ба?
☑️ 11 ақпан екі атақты актердің туған күні. 100 жыл бұрын қазақ театр және кино актері, режиссер – Юрий Померанцев (1923-2022) дүниеге келді. Ол бүкіл өмірін театр сахнасына арнады. Осылайша 1957 жылы түсірілген «Біздің қымбатты дәрігер» фильміндегі доктор Лавров ролі арқылы көрермендердің есінде қалды. Ол Қазақстанның халық әртісі, «Сахнагер» және «Алтын адам» сыйлықтарының лауреаты, сондай-ақ Алматы қаласының Құрметті азаматы.
Сонымен қатар бүгін американдық актриса, режиссер және продюсер – Дженнифер Энистон 54 жасқа толды. Ол әлемдегі ең табысты және жоғары жалақы алатын актрисалардың бірі. 2017 жылы оның таза құны 200 миллион долларға бағаланды. Дженнифер People, Cosmopolitan және Esquire журналдарының ең әдемі әйелдер тізіміне енгізілген.
Сізге Дженнифер Энистонның қай фильмдері ұнайды?
