🤝Бүгін — Халықаралық “рақмет айту” күні аталып өтеді. Жыл сайын осы күнді тойлайтын мемлекеттер мен адамдардың қатары артып келеді. Әлемнің қай жеріне табан тіресеңіз де алғыс айтудың ерекше бір сиқыры бар екеніне көз жеткізесіз. Сол себепті туристерге арналған нұсқаулықтарда “рақмет” сөзінің жиі кездесетіні бекер емес. Кез келген елдің тілінде айтылған бұл сөз әрқашан қызмет көрсету жылдамдығын арттыруға және бейтаныс адамдармен байланыс орнатуға мүмкіндік береді.
Ендеше бізбен бірге келе жатқан барлық оқырманымызға ерекше алғыс айтамыз!
🤞11 қаңтар халықаралық скетчноутинг күні аталып өтеді. Скетч — әртүрлі идеяның шағын көрнекі жазбасы. Қарапайым тілмен айтқанда, олар жылдам сызбаларға, иллюстрацияға негізделген жұмыстарға негізделеді. Ал скетчноутинг — жылдам сурет салу өнері. Ғалымдар скетчтер ақпаратты жақсы есте сақтауға мүмкіндік беретінін растады. Өйткені олар бір мезетте көруді, моториканы, ойлауды және эмоцияларды қамтиды.
🫴11 қаңтар — Халықаралық жұмыстағы теңдік күні аталып өтеді. Бүгінде жұмыс орнындағы кемсітушілікпен күресу жалғасын тауып келеді. Тіпті арнайы заң қарастырылған мемлекеттерде де бұл үрдіс тоқтамай тұр. Себебі жұмыс орнында адамдардың қасақана ниетін анықтау қиынға соғады. Олар көп жағдайда жасырын түрде жүзеге асады. Аталмыш күн нәсіліне, дініне, жынысына, жасына, физикасына немесе психикасына байланысты кемсітушілікке қарсы күресті жеделдетуді еске салады.
Сіз жұмыс барысында кемсітушілікке тап болдыңыз ба?
👥11 қаңтар өмірге келген танымал әншілер. Бүгін Қазақстанның Халық әртісі Мақпал Жүнісова 60 жас мерейтойын атап өтеді. Өнер иесі Қазақстанның жарқын жұлдызы әрі көптеген халықаралық байқауда ел атынан шығып, жоғары құрметке ие болды. Әнші еліміздің барлық өңірін белсенді түрде аралайды. Қазақ әнін дәріптеуге ерекше көңіл бөледі. Қала берді жаңа репертуар жасау үшін авторлармен тыңғылықты жұмыс істейді. Сондай-ақ бүгін ең танымал түрік орындаушыларының бірі Мұстафа Сандал 54 жасқа толды. Оның альбомдары 17 миллионнан астам данамен сатылды. «All My Life», «Moonlight» және «Isyankar»әндерін орындағаннан кейін әлемдік деңгейде кең танымалдыққа ие болды.
Сізге Мақпал Жүнісованың қай әні ұнайды?
