«Үйде жатпа» күнтізбесі. 11 қыркүйек: Есімдер, мерекелер, оқиғалар

Автор: редактор 11 Қыркүйек, 2023


👀2001 жылдың 11 қыркүйегінде АҚШ-та құрбандар саны бойынша әлемдегі ең үлкен шабуыл жасалды. 19 адамнан тұратын «Аль-Каида» террористік тобы 4 азаматтық ұшақты басып алды. Бір әуе лайнері Пентагон ғимаратына соқтығысса, екіншісі ұшақты бақылауға алмақ болған кезде далаға құлаған. Дүниежүзілік сауда орталығының қос мұнарасына тағы екі ұшақ бағытталды. Нәтижесінде, екі ғимарат та қирады. Шабуылдан 2977 адам қаза тауып, тағы 24 адам із-түзсіз жоғалып кетті. 2002 жылдан бері 11 қыркүйек күні АҚШ-та Патриот күні аталып өтеді. 

👏140 жыл бұрын Қазақстандағы ең көне – Семей тарихи-өлкетану мұражайы құрылды. Мұражайды ұйымдастыруға Абай Құнанбайұлы қатысты. Ол қазақ киіз үйін мұражайға барлық әшекеймен сыйға тартты. Сонымен қатар философ Шәкәрім Құдайбердіұлы мен жазушы Мұхтар Әуезов те өз үлестерін қосты.  Мұражайда 1917 жылы қала тұрғындарымен кездесуде «Алаш» қозғалысының жетекшісі Әлихан Бөкейханов сөз сөйлеп, қазақтардың бірінші Семей облыстық съезі өтті. Онда автономия құру туралы шешім қабылданды. Бүгінде мұнда сирек басылымдардан құралған 34 мың томдық қоры бар ғылыми кітапхана бар.

 

Сіз мұражайға соңғы рет қашан бардыңыз?

🤝11 қыркүйек мейірімділік күні аталып өтеді. Бұл күн әлемдегі адамдарға сүйіспеншілік пен айналасындағыларға берілген рухани жылулықтың қаншалықты маңызды екенін еске салуға арналған. Мақтау мен сүйіспеншілікпен қарау адамдардың психикалық және физикалық денсаулығын жақсартуға әсер ететінін дәлелдеген. Ал кейбір зерттеулерге сүйенсек, күніне 8 рет құшақтау адамды бақытты сезінуге мүмкіндік береді.

 

👥11 қыркүйек екі танымал қазақтың туған күні. Бүгін педиатрия және балалар хирургиясы ғылыми орталығының құрметті директоры Камал Ормантаев 87 жасқа толды. 300-ден астам ғылыми еңбектердің авторы балаларды диагностикалау мен хирургиялық емдеудің жаңа әдістерін әзірлеп, медициналық тәжірибеге енгізді. Ол 20 мыңға жуық хирургиялық операция жасады. Оның жартысы ең жоғары дәрежелі күрделі операция болды. Сонымен қатар 200-ден астам ғылым докторлары мен кандидаттарын дайындады. Сондай-ақ бүгін режиссер, актер, ұстаз Әубәкір Рахимов 73 жасын атап өтеді. Қазақстанның еңбек сіңірген қайраткері бүкіл саналы ғұмырын Әуезов театрында қызмет етуге арнап, түрлі жанрлық шешімдері мен өзекті тақырыптары бар 50-ден астам спектакль қойды. Өнер иесі Астананың тұсаукесері, Тараздың 2000 жылдығы, Абайдың 150 жылдығы, Жамбылдың 150 жылдығы және т.б. сияқты салтанатты бұқаралық іс-шаралар қойылымдарының шебері ретінде де танымал.

 

Біздің ақсақалдарға ұзақ өмір тілейміз!