👩⚕️12 қазан — Дүниежүзілік артритке қарсы күрес күні. Буын қабынуы қанайналым жүйесі мен тыныс алу жүйесінен кейін үшінші орында тұр. Дүниежүзілік денсаулық сақтау ұйымының соңғы мәліметтеріне сәйкес, буын аурулары жер бетіндегі әрбір 10-шы адамда анықталады. Сонымен қатар әйелдер бұл ауруға ерлерге қарағанда үш есе жиі шалдығады. Аурудың қаупі ол тек сыртқы емес, ішкі мүшелердің де зақымдалуына әсер етуі мүмкін. Сондықтан уақытылы диагностикадан өту маңызды. Ал аурудың алдын алу – денсаулықты күту мен белсенді өмір салтын ұстануда жатыр.
Барлық оқырманымызға зор денсаулық тілейміз!
👣2016 жылы 12 қазанда Парижде ЮНЕСКО штаб-пәтерінде Алматының 1000 жылдығына арналған көрме өткізілді. Бірегей экспозиция аясында Алматының тарихы мен мәдениетінің сирек кездесетін жәдігерлері жиналды. Сондай — ақ ЮНЕСКО-ның қолдауымен «Балалар әлемді бейнелейді. Азия» атты көрме өтті. Оған Азия-Тынық мұхиты аймағының 15 елінен 7000-нан астам жас суретші қатысты. Олар Қазақстанның мәдени астанасы туралы өз көзқарастарын қорытынды естелік альбомға жиналған картиналарда білдірді.
Қазақстандағы ең көне қаланы білесіз бе?
👤1492 жылы 12 қазанда Христофор Колумб Американы ашты. 90 адамнан тұратын экспедиция үш кемемен Сан-Сальвадор аралына жетіп, Еуропадан Үндістанға қысқа жол таптық деп қателеседі. Америкаға алғашқы испандықтардың келуі “испанидид” концепциясымен байланысты. Бұл — испан тілінде сөйлейтін халықтардың қауымдастығы. Испания бұл күнді испан өркениетінің өзіндік туған күні деп санайды. Сондықтан 12 қазанда БҰҰ-ның алты ресми тілінің бірі ретінде испан тілі күні аталып өтеді.
👥12 қазан — танымал екі ер адамның туған күні. 86 жыл бұрын қазақ суретшісі, Қазақстанның қазіргі туының авторы Шәкен Ниязбеков (1938-2014) дүниеге келді. Қазақстанның еңбек сіңірген өнер қайраткерінің көптеген туындысы өте құнды әрі бірнеше елдің көрмесінде жиі кездестіруге болады. Беделді қазақстандық және халықаралық марапаттардың иегері — Алматы қаласы елтаңбасының авторы. Сондай — ақ 89 жыл бұрын ең көрнекті опера әншілерінің бірі Лучано Паваротти (1935-2007) дүниеге келді. «Грэмми аңызы» арнайы сыйлығының иегері концерттеріне ең үлкен аудиторияны жинай алды. Мысалы Нью-Йоркте оны 500 мың көрермен тамашалауға келді. Паваротти қайырымдылық жұмыстарына ерекше көңіл бөлді. Ол босқындар мен Қызыл Крестке ақша жинау жұмыстары үшін марапаттарға ие болды.
Ұлы маэстроның туған күніне орай оны тағы бір рет тыңдайық. https://www.youtube.com/watch?v=cWc7vYjgnTs
