🔍1989 жылы 16 тамызда Абай облысының Қарауыл ауылында «Невада-Семей» антиядролық қозғалысының белсенділері ұйымдастырған митинг-наразылық өтті. Онда Қазақ КСР Жоғарғы Кеңесінің АҚШ Конгресіне ядролық сынақтарға тыйым салу туралы үндеуінің мәтіні оқылды. 1949-1989 жылдар аралығында Семей ядролық полигонында кемінде 468 ядролық жарылыс болды. Ал «Невада-Семей» қозғалысының күш-жігерінің арқасында 1991 жылы ол жабылды. Радиациядан қанша адам зардап шеккені әлі белгісіз.
📚2014 жылдың 16 тамызында Алматыда Қазақстан тарихындағы алғашқы «KitapFest» кітап фестивалі өтті. Фестивальде 10 баспа және 5 ірі сауда компаниялары өз өнімдерін ұсынды. Осы тұста, Орталық кітапхана кітап алмасу шарасын жүргізді. Сондай-ақ жастардың кітап оқуға деген қызығушылығы мен зияткерлік деңгейін арттыру мақсатында барлық ниет білдірушіге тегін таратты. Қазіргі таңда фестиваль кеңінен танылуда. Яғни, жыл сайын қала күніне орай ұйымдастырылып отырады.
Біздің жаңалықтарымызды жіберіп алмаңыз! Себебі алдағы уақытта KitapFest фестифалі қайда және қашан өтетіні туалы жариялайтын боламыз.
🤚16 тамызда Халықаралық “Бейнебақылау камерасына қол бұлғау” күні аталып өтеді. Ресми мәлімет бойынша, қазір Қазақстанда 1 миллион 300 мыңнан астам камера жұмыс істейді. Олардың басым бөлігі Алматыда орналасқан. Саны – 155 мың. Оның үстіне жыл сайын саны артып келеді. Бейнебақылау камералары азаматтардың жеке өміріне қол сұққанмен бірдей деген сыни пікірлер жиі айтылады, бірақ олардың өмірімізді қауіпсіз ететінін жоққа шығаруға болмайды. Бүгін сіз монитордың артындағы күзетшілер мен операторларға сәлемдесу арқылы бейнебақылау камерасына қол бұлғай аласыз.
Сіз бақылау камераларының санын көбейтуді қолдайсыз ба?
💃16 тамызда өмірге келген шығармашылық тұлғалар. Бүгін канадалық кинорежиссер, “Оскар” сыйлығының және басқа да беделді марапаттардың иегері Джеймс Кэмерон 70 жас мерейтойын атап өтеді. Оның фильмдері әлем бойынша 8 миллиард доллар қаражат жинады. Ал “Аватар” мен “Титаник” барлық уақыттың алғашқы және үшінші кассалық фильмдері. Сондай-ақ бүгін поп – музыка ханшайымы, әнші Мадонна 66 жасқа толды. Ол «Гиннестің рекордтар кітабына» сәйкес тарихтағы ең коммерциялық табысты орындаушы атанды. Оның әндері бірнеше әлемдік рекорд орнатты. Америкалық компаниялар қауымдастығы оны ХХ ғасырдың ең көп сатылатын рок-орындаушысы деп атады.
Мадоннаның қай әні сізге ұнайды?
