💫1824 жылы 17 қыркүйекте Сұлтан Қасым Батыс Сібір өлкесінің генерал-губернаторы Капцевичке хат жазып, онда қазақ жерінде бекіністер салуды және жергілікті тұрғындардың қысымын тоқтатуды талап етті. Сондай-ақ жолдауда қазақ тарапының Ресей жерлеріне талап-арызы жоқ екені, бірақ қазақтарға соғыс жариялаған жағдайда көз жұмып отырмайтындарын жеткізді. Ханның ұлы Абылайдың хатын Ресей тарапы елемейтін болған жағдайда, адресаттан осы хатты жіберушіге кек сақтамауды сұрады. Кезінде Сұлтан Кенесары мен Наурызбайдың ұлдары 1837-1847 жылдары Ресей империясынан тәуелсіздік алу үшін далада басталған ірі ұлт-азаттық қозғалысты басқарып, әкесінің ісін жалғастырды.
🤩17 қыркүйек — Дүниежүзілік науқастардың қауіпсіздігі күні. Әлемде науқастарға дұрыс күтім көрсетілмегендіктен, олардың 10%-ы келеңсіз жайттарға тап болады. Негізінде жалпы салдардың 50%-на дейін алдын алуға болатыны аталып өткен. Амбулаториялық жағдайда 10 науқастың 4-і дәрігерлердің қате әрекетінен зардап шегіп, денсаулығымен сыналып жатады. Сондықтан аталмыш күннің мақсаты – дәрігерлердің назарын мұндай тәуекелдердің алдын алуға және келеңсіз жайттарды барынша азайтуға шақыру.
Барлық оқырманға мықты денсаулық және ұзақ өмір тілейміз!
🌳Қыркүйектің әр үшінші жексенбісінде Халықаралық орман қызметкерлері күні аталып өтеді. Ормансыз жер шарында таза ауа болмас еді. Сондықтан жер бетін өз борышы ретінде адамдардан төнетін қауіп пен өрттен қорғап жүрген қызметкерлер бұл мерекені тойлауға әбден лайық. Осы тұста, бүгін Абай ауданында орман қызметкерлері жанын аямай, қажетті құрал-жабдықсыз өртті қалай ауыздықтағанын еске түсіруге болады.
👥17 қыркүйек екі танымал ер адамның туған күні. 191 жыл бұрын орыс терапевті, патолог, физиолог және қоғам қайраткері Сергей Боткин (1832-1889) дүниеге келді. 1883 жылы ол гепатиттің жұқпалы сипатын ашты. Содан бері «сарғаю» атауы «Боткин ауруы» болып өзгерді. Ол сондай-ақ адамның еркіне бағынатын біртұтас дене ілімін жасады. Сондай – ақ бүгін әлемнің ең үздік хоккейшілерінің бірі Александр Овечкин 38 жасқа толды. 2018 жылы капитан ретінде “Вашингтон Кэпиталз” командасын клуб тарихындағы бірінші Стэнли Кубогында жеңіске жеткізіп, турнирдің ең құнды ойыншысы атанды. Спортшы ҰХЛ тарихында соғылған голдар бойынша 2-ші орында әрі үш дүркін әлем чемпионы.
