«Үйде жатпа» күнтізбесі. 18 ақпан: Есімдер, мерекелер, оқиғалар

Автор: редактор 18 Ақпан, 2024


⚡️ Бүгін – Батарея күні. Аталмыш күн кездейсоқ таңдалған жоқ. 18 ақпан химиялық электр энергиясына түрлендіру теориясының негізін салушы Алессандро Вольта (1747-1827) дүниеге келді. Батарея күнін тойлау барысында аккумулятордың шығу тарихына да, оны дұрыс кәдеге жаратуға да назар аударылады. Сонымен қатар мұнда экология мәселесі де қозғалады. Бір нәрсені ескере кеткен жөн: батареялар мен ұқсас құрылғылардың құрамдас бөліктері топырақ пен суды ауыр металдармен ластайды. Сондықтан ғалымдар батареяларды зарядтау сыйымдылығы мен жылдамдығын арттырып қана қоймай, құрылғылардың қоршаған ортаға қауіпсіздігін арттыру үшін де үнемі жұмыс істейді. 

Сізге қай фирманың батареялары  ұнайды?

🌑 Бүгін астрономия әуесқойлары Плутон күнін тойлайды. 1930 жылы 18 ақпан астролог Клайд Томбо Күн жүйесіндегі ең үлкен ғаламшарды ашты. Күн мен Плутонның арасындағы қашықтық 7 миллиард 307 миллион шақырымға сәйкес. Плутон жоғарғы ғаламшарлардың тобына кіреді. 

Оның диаметрі небәрі 3000 шақырым. Телескоп арқылы Плутон кішкентай жұлдыз сияқты көрінеді. Бұл атауды ғаламшарға америкалық мектеп оқушысы берді. Ал ғалымдар оны қараңғыда жасырынған мифологиялық тіршілік иесінің құрметіне Плутон деп атауды ұсынды.

Сіздің ойыңызша ғарышта әлі де тіршілік иелері бар ма?

🥙Бүгін тұшпара күні атап өтіледі. Тіпті Ижевскіде осы тағамның ескерткіші де бар. Гүлзардың ортасындағы үш метрлік құрылыста шанышқыға қадалған тұшпара бейнеленген. Оның диаметрі бір метрге жуық. Тұшпараға ұқсас тағамдар азиялық, кавказдық, үнділік, итальяндық, неміс және басқа да көптеген әлем халқының асханаларында кездеседі.

Сізге тағамның қай түрі ұнайды? Тұшпара әлде манты ? 

 

👥18 ақпан танымал екі адамның туған күні. 126 жыл бұрын аты аңызға айналған итальяндық дизайнер, кәсіпкер және жарыс жүргізушісі Энцо Феррари (1898-1988) дүниеге келді. Көптеген мәртебелі марапат пен орден иегері қарапайым өмір сүріп, сирек сұхбат берген. Ол ешқашан ұшаққа мінбеген. Римде болмаған және лифтке отырмаған. Сонымен қатар бүгін америкалық актер, биші әрі әнші Джон Траволта 70 жасқа толды. Ол мансап жолында 70-тен астам фильмде ойнады. Актер – «Алтын глобус» және «Эмми»сыйлықтарының иегері. 

Сізге Джон Траволтаның қай фильмі ұнайды?