☁️18 қаңтар – Халықаралық аққала күні. Бұл идеяны неміс коллекционері Корнелиусу Грётцу ойлап тапты. Ол бала күнінен аққаланың 3000-нан астам суретін жинап, Гиннестің рекордтар кітабына енген. Көптеген ертегіде қыстың басты символы міндетті түрде кездеседі. Олардың ішінде ең танымалы Ганс Кристиан Андерсеннің “Аққала” ертегісі. Бүгінде көптеген елде қар мүсіндерін жасау балалардың сүйікті ісі ғана емес, сонымен қатар ұйымдастырылған қоғамдық мереке ретінде аталып өтеді. Әлемдегі ең биік аққала жасау рекорды 1999 жылы АҚШ-та тіркелген: оның биіктігі 37 метр 20 сантиметрді, ал салмағы 6 мың тоннаны құрады.
Сіз биыл аққала жасадыңыз ба?
👨👩👧👦1990 жылы 18 қаңтарда Қазақстанда көп балалы аналарға “Батыр ана” атағы беріле бастады. Ал КСРО кезінде бұл атақ 1944 жылдан бері табысталып келді. Тәуелсіздік алғаннан кейін жеті және одан да көп баланы дүниеге әкелген аналар Қазақстан мәртебесіне ие “Алтын алқа” иегері атанады. “Алтын алқа” немесе “Батыр ана” атағын иеленген көп балалы аналар бірінші кезекте тұрғын үймен қамтамасыз етіледі. Сондай-ақ олардың тұрғын үй шығындарын өтеу үшін арнайы мемлекеттік жәрдемақы төленеді. 6 баланы дүниеге әкеліп, оларды тәрбиелеген аналарға “Күміс алқа” тағайындалып, жергілікті бюджет есебінен жеңілдіктер белгіленеді.
Көпбалалы аналар зор құрметке лайық!
🐻Бүгін мультфильм әуесқойлары Винни Пухтың туған күнін атап өтеді. 1882 жылы 18 қаңтарда Лондонда әйгілі аюдың авторы ретінде тарихқа енген жазушы Алан Александр Милн дүниеге келді. Forbes журналы сарапшыларының пікірінше, сүйкімді кейіпкер дүниежүзі бойынша ең жоғары табыс әкелетін кейіпкерлердің ішінде екінші орында тұр. Ал бірінші орынды Микки Маус иеленеді. Винни Пух шығармасын қазақ тіліне белгілі ақын Ермек Өтетілеуұлы аударған.
Сізге қай кейіпкер ұнайды: Винни Пух немесе Микки Маус?
👥18 қаңтар — екі танымал ер адамның туған күні. Бүгін әйгілі жапон актері және режиссері, сценарист, жазушы, ақын әрі суретші Такэси Китано 78 жасқа толды. Өнер иесі Венеция кинофестивалінің Алтын арыстан жүлдесін және Азияның “Оскар” сыйлығын иеленді. Оған «Затойчи», «Брат якудзы”, “Беспредел” фильмдері әлемдік танымалдылық әкелді. Сондай-ақ бүгін американдық актер, продюсер, кинорежиссер және музыкант Кевин Костнер 59 жасын атап өтеді. Ол «Алтын глобус» және «Эмми»сыйлықтарының иегері. Қала берді “үздік режиссура” және “үздік фильм» номинациялары бойынша «Оскар» сыйлығын иеленді. Көптеген адам оны «Робин Гуд – принц воров”, “Телохранитель”, “В погоне за Бонии и Клайдом” фильмдерінен біледі.
Өнер иелеріне ұзақ өмір және шығармашылық табыс тілейміз!
