👍2 қазан – Дүниежүзілік алкогольден бас тарту күні. Жыл сайын әлем бойынша алкогольді асыра пайдалану салдарынан шамамен 3 миллион адам қайтыс болады. Осы тұста көптеген халықаралық ұйымдар, саяси тұлғалар, шоу-бизнес жұлдыздары мен спортшылар ішімдіктен бас тартуға шақырып жүр. Аталмыш күн көптеген елде белсенді түрде аталып өтеді. Мысалы, бүгін Үндістан, Египет, Швеция және тағы басқа ондаған мемлекеттің дүкендерінде алкоголь өнімдерінің сатылуына тыйым салынған. Ал Қазақстанда тұрғындары алкогольден толықтай бас тартқан 97 ауыл бар.
Сіз осы күні Қазақстанда алкогольді сатуға тыйым салу бастамасын қолдайсыз ба?
👋1991 жылы 2 қазанда қазақтың тұңғыш ғарышкері, халық қаһарманы Тоқтар Әубәкіров ғарышқа ұшты. Мұнда ол “Союз ТМ-13” ғарыш кемесінің ғарышкер-зерттеушісі ретінде ұшып, “Мир” орбиталық кешенінің бортында бір апта жұмыс істеді. 10 қазанда ғарышкер Жерге оралды. Оның Қазақстан үшін тарихи оқиға болған ғарышта болу ұзақтығы 7 күн 22 сағат 13 минутты құрады.
Қазақ ғарышкерлерінің тағы қайсын білесіз?
💪Бүгін БҰҰ бастамасымен Халықаралық зорлық-зомбылыққа қарсы күні аталып өтеді. Бұл күн зорлық-зомбылыққа қарсы философиясының негізін қалаған әрі Үндістанның тәуелсіздік қозғалысының жетекшісі Махатма Гандидің (1869-1948) туған күнінің құрметіне орай таңдалған. Ганди зорлық-зомбылық шараларын қолдана отырып, бейбіт қоғам құру ақымақтық екенін айтты. Тіпті оның мүдделеріне қысым жасаудың ауыр әрі үмітсіз жағдайлары оны өз ұстанымдарын өзгертуге мәжбүрлеген жоқ.
Сіз осындай бастамаларды қолдайсыз ба?
👥2 қазан — танымал екі тұлғаның туған күні. 101 жыл бұрын қазақ жазушысы, редактор, оннан астам әңгімелер мен повестердің авторы Кемел Тоқаев (1923-1986) дүниеге келді. 1962 жылы Кемел қазақ тілінде «Ерекше тапсырма» атты өмірбаяндық әңгіме жазды. Мұнда 1943 жылы қарашада Киев үшін болған шайқас баяндалды. Бұл повесті орыс тіліне Бауыржан Момышұлы аударды. Жазушы Қазақстан президенті — Қасым-Жомарт Тоқаевтың әкесі. Сонымен қатар бүгін британдық әнші, композитор, актер, қоғам қайраткері және меценат Стинг 73 жасқа толды. Ол 17 мәрте Грэмми сыйлығын иеленді. Қала берді «Алтын глобус» және «Эмми» сыйлығының иегері атанды. Сондай-ақ «Үздік ән» номинациясы бойынша төрт мәрте “Оскар” сыйлығын жеңіп алған. 2011 жылы ол Жаңаөзеннің ереуілге шыққан мұнайшыларымен ынтымақтасу мақсатында Астанада өнер көрсетуден бас тартты. Концерт Елорда күні қарсаңында өтуі тиіс еді. Оған 700 доллардан 5 мың билет сатылған.
Сізге Стингтің қай әні ұнайды?
#күнтізбе #2қазан #ғарышкер
