☑️Осыдан 30 жыл бұрын, 20-шы маусымда Қазақстан Республикасы Түркі мәдениеті мен өнері жөніндегі біріккен комитетке (ТҮРКСОЙ) мүше болды. Түркі мәдениетінің халықаралық ұйымы (ТҮРКСОЙ) – түркітілдес елдерді біріктіретін халықаралық ұйым, оның негізгі мақсаты – «Түркі халықтарының ортақ материалдық және мәдени ескерткіштерін сақтау, дамыту және болашақ ұрпаққа жеткізу үшін түркі халықтарының ынтымақтастығын» қалыптастыру. Штаб-пәтері Анкарада орналасқан. 2015 жылы бізде де ТҮРКСОЙ бөлімі ашылды. Қазақстан Түркі мемлекеттері ұйымының мүшесі және оның академиясы Нұр-Сұлтан қаласында орналасқан. 2018 жылдан бері осы ұйымның Бас хатшысы қызметін қазақстандық дипломат Бағдад Әміреев атқарып келеді.
☑️20 маусым – Халықаралық босқындар күні. Бұл күн БҰҰ-ның қарарымен белгіленді. Ол бұрын 1969 жылы бекітілген африкалық босқындар күні болатын. Бұл күні Біріккен Ұлттар Ұйымы босқындардың құқықтары мен бостандықтарының үздік қорғаушысын анықтап, оның еңбегін ерекше марапат – Нансен сыйлығымен марапаттайды. Біріккен Ұлттар Ұйымының мәліметінше, соғыстар, қуғын-сүргін немесе өмірлеріне қауіп төнгендіктен әлем бойынша минутына 24 адам үйлерін тастап кетеді, ал Украинадағы жағдай босқындар ағынын одан сайын арттырды.
☑️Бүгін – халықаралық мотоцикл күні. Жыл сайын мереке бірінші жаз айының үшінші дүйсенбісінде тойланады. Дүниежүзілік мотоциклшілер күнін тойлау дәстүрі 1992 жылы пайда болды, ол кезде бірнеше елдегі энтузиастар автокөліктерін гараждарға қалдырып, мотоциклдер мен скутерлерде жұмысқа кетті. Бастапқыда бұл күн «Жұмысқа бару күні» деп аталды, оны ағылшын тілінен «Мотоциклде жұмыс істеу» деп аударуға болады, ал кейінірек біртіндеп Мотоциклшілер күніне айналды. Қазақстанда курьер кәсібі мопедпен байланысты, арқаларында үлкен сөмкелері бар бұл жас жігіттерді күнде көреміз.
Егер сіз мопедтердегі курьерлерді немесе жай ғана мотоциклді ұнататындарды білсеңіз, оларды мерекемен құттықтауға болады! Сондай-ақ олардан ереже бойынша жүруді сұрауды ұмытпаңыз.
☑️Бүгін Голливудтағы екі танымал тұлғаның туған күні. 1967 жылы 20-шы маусымда австралиялық актриса, әнші, продюсер және ЮНИСЕФтің ізгі ниет елшісі Николь Кидман туған. «Үздік әйел рөлі» номинациясында Оскар алған алғашқы австралиялық актриса. Голливудтың Даңқ аллеясындағы атаулы жұлдыздың иесі. Ол «Мулен Руж», «Бэтмен навсегдс», «Золотой компас» фильмдеріндегі рөлдері арқылы танымал болды. Ал америкалық кинорежиссер, сценарист, продюсер және композитор – Роберт Родригес те бүгін 54 жасқа толып отыр. «От заката до рассвета», «Город грехов», «Отчаянный», «Мачете» және «Дети шпионы» сияқты фильмдерімен танымал. Родригес өзінің жақын досы Квентин Тарантиномен жиі жұмыс істейді.
Роберт Родригес немесе Николь Кидман? Кімнің фильмдері саған көбірек ұнайды?
