📚Қаңтардың төртінші сәрсенбісінде кітап сүйер қауым кітапханада сэлфи жасау күнін атап өтеді. “Кітаппен түскен ең үздік сурет” акциясы алғаш рет 2014 жылы өткізілді. Бұл әлемнің көптеген мәдени орындары мен топтарында ерекше дәстүрге айналды. Бүгінгі таңда кітапхана ұжымы оқырмандарын кітап оқуға ғана емес, сонымен бірге суретке түсуге де шақырады. Фотосуреттер кітапханаларды және оқу идеясын насихаттап, жаңа оқырмандарды тарту мақсатында әлеуметтік желілерде жарияланады.
⛸2013 жылы 22 қаңтарда Шымбұлақ шипажайында кәсіби арқан саябағы Kazakh Alpine park ашылуы өтті. Оның төңірегінде альпинизм мұражайы орын тепкен. Мұнда қазақтың альпинист батырлары туралы қызық оқиғаларды біліп, олардың қандай құрал-жабдықтарды пайдаланғанын тамашалауға болады. Айтпақшы, қазақстандық альпі саябағы ең биік арқан саябағы ретінде Гиннестің рекордтар кітабына енгізілуі мүмкін. Өйткені теңіз деңгейінен 2250 метр биіктікте мұндай құрылыстарды дүниежүзінде әлі ешкім жасаған жоқ.
🎬Бүгін кино әуесқойлары попкорн күнін атап өтеді. 1630 жылы 22 қаңтарда еуропалық колонистер Оңтүстік Америка тайпасының көсемінен сыйлық ретінде бір қап попкорн алды. Айта кетейік, үндістер попкорнды тағам ретінде ғана емес, сонымен қатар әшекей ретінде де пайдаланған. 1885 жылы америкалық Чарли Криз попкорн машинасын ойлап тапқаннан кейін бұл өнімнің танымалдығы әлем бойынша кең етек жайды.
Сізге қайсысы ұнайды: попкорн немесе жүгері таяқшалары?
👥22 қаңтарда танымал екі тұлға өмірге келді. 237 жыл бұрын ағылшын ақыны, романтизм әрі натурализм өкілі, “мұңды эгоизм” арқылы оқырман қиялын баураған тұлға лорд Джордж Гордон Байрон (1788-1824) дүниеге келді. Оның Чайльд-Гарольд атты әдеби кейіпкері әртүрлі әлем әдебиетінде байроникалық кейіпкерлердің прототипіне айналды. Ал байронизмге деген құштарлық ақын өмірден өткеннен кейін де жалғасын тапты. Байронның қызы Ада Лавлейс әлемдегі алғашқы программист ретінде де тарихқа енген. Сонымен қатар 70 жыл бұрын суретші-монументалист және Қазақстан таэквондо федерациясының тұңғыш Президенті Бексейіт Түлкиев (1955-1998) дүниеге келді. Өнертанушылар оны ХХ ғасырда өнердегі ең танымал ағымдардың бірі – қазақстандық сюрреализмнің негізін қалаушы деп санайды. Спортшылардың да оған деген құрметі жоғары. Өйткені ол таэквондодан бесінші қара белбеу иегері атанды. Оның ең жақын достарының арасында Мұстафа Өзтүрік пен Джеки Чан да болды.
