👀22 желтоқсан — Қазақстанда мұрағатшылар күні. Олар құнды деректерді көздің қарашығындай сақтап, тарихтың бұрмалануына жол бермейді. Сонымен қатар адамдарға бірегей құжаттармен танысуға мүмкіндік береді. Қазақстан тарихындағы алғашқы мемлекеттік мұрағат 1921 жылы Орынборда – Қазақ АССР-нің бірінші астанасы болып құрылды. 100 жылдық тарихында Орталық мемлекеттік мұрағат бай және қайталанбас тарихи құжаттарды біріктіре білді. Сондай-ақ өзінің даму жолы мен ішкі дәстүрі қалыптасқан әлемдегі ең ірі мұрағаттардың біріне айналды.
Егер таныстарыңыздың арасында мұрағатшылар болса, оларды төл мерекесімен құттықтап қойыңыз!
👤2020 жылы 22 желтоқсанда БҰҰ-ның Женевадағы бөлімшесінде Абай Құнанбайұлының бюсті ашылды. Бұл салтанатты шара қазақтың ұлы ақынының 175 жылдық мерейтойына және Біріккен Ұлттар Ұйымының 75 жылдығына орай ұйымдастырылды. Абай бюстінің Қарусыздану жөніндегі конференция залының қарсы алдына қойылуының символдық мәні бар. Абайдың “Адамзаттың бәрін сүй бауырым деп” деген өнегелі сөзі енді БҰҰ қауымдастығына бағытталған үндеу ретінде бейбітшілікті, бірлікті және көпжақты дипломатияны нығайтуға ықпал етеді.
Әлемнің тағы қай қалаларына Абайдың ескерткіші орнатылған?
🗣22 желтоқсанда халықаралық бард әндері күні аталып өтеді. Бард — ақын. Алайда оның тек гитарасы болады. Бұл күн кездейсоқ таңдалған жоқ. Өйткені бүгін жылдың ең қысқа күні әрі қыстың ұзақ кешінде достарыңыздың басын қосып, сүйікті әндеріңізді тыңдауға керемет мүмкіндік тумақ. Музыка мен поэзияда шекара болмағандықтан, авторлық ән күнін жыл сайын көптеген елдің әнші-композиторлары бірге атап өтеді. Олардың шығармашылық кездесулері тікелей эфирде және желіде де өткізіледі.
Қазақ бардтарынан кімді білесіз?
👥22 желтоқсанда өмірге келген танымал адамдар. 167 жыл бұрын қазақтың алғашқы ғылым кандидаты, Алаш Орда көшбасшыларының бірі Бақтыкерей Күлманов (1857-1919) дүниеге келді. Белгілі шығыстанушы Санкт-Петербург университетін үздік аяқтап, мұсылман фракциясын басқарған Ресей империясының 1-ші және 2-ші Думасының депутаты болды. 1917 жылы Алаш Орданың екінші жалпықазақ құрылтай съезінде қазақ халқының тәуелсіздігіне қол жеткізу үшін үлкен күш жұмсап, Төралқаның төрағасы болып сайланды. Сондай – ақ бүгін әнші, актриса әрі тележүргізуші Аша Матай 36 жасқа толды. Ақбота Асқарбекова «Шабыт» және «Жахан дала» байқауларының гран-при иегері, «Жұлдыздар империясы» республикалық телешоуының жеңімпазы. Үлкен теннистен спорт шеберіне үміткер. Қазақстанның ең танымал блогерлерінің бірі. Instagram әлеуметтік желісінде 4,5 миллион жазылушысы бар. Өнер иесі оннан астам фильмге түсті.
