🗣23 тамызда Біріккен Ұлттар Ұйымының бастамасымен халықаралық құл саудасы құрбандарын еске алу және оны жою күні аталып өтеді. Құлдық – бұрын-соңды болмаған қасірет әрі адамзат тарихындағы ең қараңғы беттердің бірі. Құлдық пен құл саудасы өткен заманда жойылғанымен, қазіргі кезде қоғамдық әрі гуманитарлық мәселелердің біріне айналды. Жылдан жылға әйелдер мен балалардың құқығын таптау белең алып барады. Қазақстанда жыл сайын адам саудасы фактілері бойынша 100-ге жуық қылмыстық іс қозғалады.
🫂23 тамызда “Сүйіктіңді құшақта” күні аталып өтеді. Құшақтау адамның жанына тыныштық сыйлап қана қоймай, сөзбен айтылмаған сезімдерді жеткізуге көмектеседі. Ғалымдар адамды құшақтаған кезде жүрек-қантамыр жүйесі жақсы жұмыс істеп, окситоцин тұрақты өндіріле бастайтынын айтады. Бұл жанға жайлылық беріп, алаңдаушылықты азайтады. Ал психологтар адамның денесіне қол тигізбесе, сусыз өсімдік сияқты солып қалатынын айтады.
Бүгін жақын адамыңызды құшақтауды ұмытпаңыз!
👀23 тамызда тәтті әуесқойлары Дүниежүзілік піспенан күнін атап өтеді. Піспенан туралы алғашқы деректер Англиядағы теңізшілердің журналдарында тәтті крекер ретінде белгілі болды. Оның құрамындағы заттар ұзақ сапарға жарамды болды. ХVII ғасырда Францияда кондитерлер піспенан қамырын жұмсақ етіп дайындады. Аталмыш өнім көптің көңілінен шықты. Тіпті олар Австралияны жаулап алып, онда 1865 жылы шағын Arnott кондитерлік фабрикасын ашты. Бүгінде ол әлемдегі ең ірі піспенан өндірушісіне айналды.
Сізге піспенанның қай түрі ұнайды?
👥23 тамыз — танымал екі спортшының туған күні. 114 жыл бұрын итальяндық футболшы, екі дүркін әлем чемпионы Джузеппе Меацца (1910-1979) дүниеге келді. Оған миландық “Интерде” 14 маусымды және 2 маусымды “Миланның” құрамында өткізгені үшін Миландағы Сан-Сиро стадионына Джузеппе Меаццаның есімі берілді. Ал 46 жыл бұрын 20 жыл бойы «Лос-Анджелес Лейкерс» командасында өнер көрсеткен баскетболшы Коби Брайант (1978-2020) өмірге келді. Ол бес дүркін НБА чемпионы және екі рет Олимпиада алтынын жеңіп алды. 30 000 мансаптық ұпай жинаған лига тарихындағы ең жас ойыншы болды. 2018 жылы «Құрметті баскетбол» анимациялық қысқаметражды фильмі үшін «Оскар» сыйлығын жеңіп алды.
Сізге кім ұнайды: Коби Брайант немесе Майкл Джордан?
