🫂 24 сәуір – Халықаралық жастар ынтымақтастығы күні. Мереке жас халықтың әлеуметтік, экономикалық және психикалық мәселелеріне назар аударуға шақырады. Сонымен қатар достық бірігуін алға тартып, жастардың құқықтары үшін күресте күш-жігерді біріктіруге, олардың мәселелерін шешуде бірлік сынды биік мақсаттан алыстамауды атап көрсетеді. Әрбір мемлекеттің болашағы белсенді әрі бастамашыл жасөспірімдерге байланысты екенін ұмытпағанымыз жөн.
Сіздің ойыңызша, қазір Қазақстан жастары қандай мәселелерге тап болып жатыр?
🏵 Бүгін дәстүрлі түрде сәуір айының соңғы аптасында өтетін – Дүниежүзілік иммундау апталығы басталады. Бұл шараның мақсаты – адамзатты жұқпалы аурулардан қорғаудың негізгі профилактикалық иммундау мәселесіне қоғамның назарын аудару. Дүниежүзілік денсаулық сақтау ұйымының мәліметтері бойынша, иммундау жыл сайын әртүрлі аурулардан 2-3 миллион өлімнің алдын алады. Әсіресе COVID-19-мен күресте айтарлықтай көмегі тиді.
✨ Сонымен қатар бүгін – Халықаралық мүсін күні. Бұл мереке мүсіннің өнер түрі ретіндегі хабардарлығын арттырып, адамдарға әйгілі мүсін шедеврлері туралы көбірек ақпаратпен таныстыру мақсатында бекітілген. Бүгінгі таңда барлық қалада өзіндік ерекшелікпен жасалған арнайы мүсіндер бар.
Дүниежүзіндегі ең әйгілі мүсіндерді білесіз бе?
💫 24 сәуір дүниеге келген атақты адамдар. 140 жыл бұрын қазақ дәрігері, педагог, Алаш-Орда халық кеңесінің мүшесі – Халел Досмұхамедов (1883-1939) дүниеге келді. Ол өмірінің көп бөлігін медицина саласына арнап, қазақ ғылымының дамуына зор үлес қосты. Сондай-ақ жаңа ұлттық мектеп жүйесін құруға әрі қазақ терминологиясын дамытуға белсене атсалысты. Оның кітаптары ұлттық оқулық тарихында ерекше орын алады. Кеңес өкіметі оны жалған саяси айыппен тұтқындап, ол Алматы түрмесінде қайтыс болды. 1958 жылы ақталып шықты.
Бүгін француз сәнгері – Жан-Поль Готье 71 жасқа толды. Ол өзінің сән үйінің президенті әрі Жан Пол Голтье С.А. кинорежиссерлермен белсенді жұмыс істей отырып, «Бесінші элемент» және басқа да әйгілі фильмдерге костюмдер жасады.
Сіздің қалаңызда Халел Досмұхамедовтің есімімен аталған орындар бар ма?
