«Үйде жатпа» күнтізбесі. 24 тамыз: Есімдер, мерекелер, оқиғалар

Автор: редактор 25 Тамыз, 2023


👀Тамыздың соңғы жұмасы – Дүниежүзілік нарцисс күні аталып өтеді. Британдықтар айтқандай, “көктемгі лалагүл” талғампаз сұлулыққа ие. Сондықтан ол өзімшілдікпен, мақтанышпен және тәкаппарлықпен байланысты болып келеді. Бүгінгі таңда дәрігерлер нарциссистикалық тұлғаның бұзылуы сияқты психикалық аурудың бар екенін жиі айтады. Нарциссистер өздерін бірегей тұлғалар ретінде қарастырады және басқалардан табынуды талап етеді. 

 

Егер таныстарыңыздың арасында нарцистер болса, оларды мерекесімен құттықтап қойыңыз!

😻25 тамыз – “Сүйеміз және татуласамыз” атты тағы бір ерекше күн аталып өтеді. Жақын адамдармен болатын келеңсіз жайт қатысушылардың әрқайсысына белгілі бір дәрежеде психологиялық жара салады. Ата-ана мен бала, ерлі-зайыптылар, достар арасындағы шешілмейтін қайшылықтар мен кикілжіңдер олардың жүрегін сыздатады. Мұндай жағдайда құшақтау мен сүюдің пайдасы зор. Тактильді жанасу, соның ішінде ерінге тию құмарлық дәрежесін төмендетіп, қарым-қатынасты жаңа деңгейге көтеруі мүмкін.

Сізге бұл күннің идеясы ұнай ма? 

👣2011 жылдың 25 тамызында атақты қазақстандық альпинистер Мақсұт Жұмаев пен Василий Пивцов Ральф Дюймовиц басқарған халықаралық команда құрамы Эвересттен кейінгі әлемдегі ең биік К2 (8611 метр) тау шыңын бағындырды. Экспедиция барлық қолданыс ішіндегі ең қауіпті әрі қиын болып саналатын солтүстік қытай жағымен өтті. Мақсұт әлемдегі барлық 14 сегіз мыңдықты бағындырған Василиймен бірге Q-14 клубына кірген алғашқы қазақстандық альпинист болды. 

 

Ал сіз тауға барғанды ұнатасыз ба?

👥25 тамыз – екі шығармашылық тұлғаның туған күні. 131 жыл бұрын қазақ режиссері, ұлттық кәсіби театр өнерінің негізін қалаушылардың бірі Жұмат Шанин (1892-1938) дүниеге келді. «Жанды сурет», «Қара құлын», «Қозы Көрпеш – Баян Сұлу», «Үш бажа» пьесаларының авторы тұңғыш қазақ музыкалық театрының дамуы мен қалыптасуына зор үлес қосты. Сондай – ақ 93 жыл бұрын британдық актер және кинопродюсер Сэр Шон Коннери (1930-2020) дүниеге келді. Өнер иесі британдық құпия агент 007 туралы фильмде Джеймс Бонд ролімен танымал. Сонымен қатар ол «Оскар» сыйлығының және басқа да беделді марапаттардың иегері. Коннери 2000 жылы «кинодраматургиядағы қызметі үшін» рыцарь атанды.

 

Джеймс Бонд рөлінде сізге қай актер ұнады?