👑Бүгін Қазақстан халқы ұлттық мереке — Республика күнін атап өтеді. 1990 жылы 25 қазанда Қазақ КСР-нің мемлекеттік егемендігі туралы Декларация қабылданды. Егеменді мемлекеттіліктің іргелі қағидаттары ретінде — біртұтас мемлекет, оның аумағының тұтастығы, бөлінбейтіндігі және мызғымастығы, қазақ халқының және Қазақстанның басқа да халықтарының төл мәдениетін, дәстүрін, тілін жаңғырту және дамыту, ұлттық бірегейлікті нығайту болып бекітілді. Бұл еліміздің тәуелсіздікке жасаған алғашқы қадамы еді.
Оқырмандарымызды Республика күнімен құттықтаймыз!
💃25 қазанда Халықаралық әйелдер бейбітшілігі үшін күрес күні аталып өтеді. Отбасы мен жақындарын қорғау және олардың қоғамда бейбіт өмір сүруін қамтамасыз ету — адамзаттың ең асыл тілегі. Қазіргі заманда әйелдер қауымы күйеуінің міндеттерін арқалап, оның аяққа тұруы үшін жауапкершілікті өз мойнына алады. Сонымен бірге жұмыста атқаратын кәсіби міндеттерін де ерекше атап өту керек. Алайда шамадан тыс жұмыс әйелдерді көп жағдайда эмоционалдық күйзеліске итермелейді. Сондықтан бұл күннің бейресми мереке болып белгіленуі таңғаларлық жағдай емес.
Барлық әйелді айтулы мерекемен құттықтаймыз!
👀25 қазан — Халықаралық суретшілер күні. Жартасқа салынған кескіндемелер адамзат қоғамының даму жолындағы алғашқы кезеңінде пайда болды. Уақыт өте келе қарапайым сызбалардың орнын майлы және акварельмен боялған суреттер алмастырды. Қазір бұл туындылар ондаған және жүздеген жылдар бұрын әлемнің қандай болғаны туралы түсінік береді. Бейнелеу өнері адамдардың сұлулыққа деген көзқарасын, қиялы мен сезімдерін дамыта отырып, кеңістіктік жайлы және логикалық ойлауын қалыптастырады.
Қазақтың қандай суретшілерін білесіз?
👥25 қазан — әйгілі екі әйелдің туған күні. 99 жыл бұрын қан майданда жаудың 78 сарбазы мен офицерін жойған атақты мерген Әлия Молдағұлова (1925-1944) дүниеге келді. 1944 жылы Әлия қайтыс болғаннан кейін Кеңес Одағының Батыры атағына ие болды. Оның құрметіне көптеген қала көшелеріне есімі беріліп, ескерткіштер орнатылды. «Әлия» әнін орындаған Роза Рымбаева 1977 жылы «Алтын Орфей» фестивалінде бас жүлдені жеңіп алды. Сондай — ақ бүгін америкалық әнші, композитор, ән жазушы, актриса, БҰҰ ізгі ниет елшісі Кэти Перри 40 жас мерейтойын атап өтеді. Перри көптеген марапаттың иегері. Соның ішінде ол Грэмми сыйлығына он үш мәрте ұсынылды. Кэти Twitter-дің алғашқы қолданушысы болды. Мұнда оның 50 миллионнан астам оқырманы бар. 2018 жылы ол 83 миллион доллар табыс тауып, әлемдегі ең көп жалақы алатын әншілер рейтингінде көш бастады.
Сіздің қалаңызда Әлия Молдағұлованың есімімен аталған қандай орындар бар?
#күнтізбе #25қазан #республика
