👩⚕️25 қыркүйек — Дүниежүзілік фармацевт күні. Бұл — денсаулық сақтау саласына үлес қосып жүрген 4 миллионға жуық жанның кәсіби мерекесі. Көптеген адам фармацевтерді дәріхана кассасының артында тұрып, адамдарға дәрі сататын адам ретінде қабылдайды. Алайда олар – емделуші мен дәрігерлер арасындағы маңызды буын. Ол дәрілік заттарды дайындаумен және дұрыс қолданумен айналысады. Сонымен қатар олардың қасиеттері мен әсерін жақсы біледі.
Бүгін дәріханаға жолыңыз түссе, фармацевтерді кәсіби мерекесімен құттықтауды ұмытпаңыз!
👀25 қыркүйекте адамдарға кеуде қуысын тексеруді еске салу үшін Дүниежүзілік өкпе күні аталып өтеді. Туберкулез, бронхит, астма сияқты аурулардан бөлек, COVID-19-да өкпеге жаңа қауіптер тудыруда. Темекі шегу, қоршаған ортаның ластануы, тұрақты түрде салқын тигізу, стресс және әлсіз иммунитет өкпе ауруларына әкеледі. Сондықтан дәрігерлер суық тиюден сақтануға, дұрыс ұйықтауға, тұрақты тамақтануға және денеге қалыпты физикалық белсенділікпен айналысуға кеңес береді.
Өзіңізге қамқор болыңыз! Деніңіз сау болсын!
🤩25 қыркүйек — Дүниежүзілік арман күні. Адамның алға қойған мақсаттарына жетуі өзін-өзі бағалауға, ішкі үйлесімділік пен тепе-теңдікті сезінуге әкеледі. Әрине, арманға жету жолында кедергілерге есе жібермеу керек. Өзіңізді әрдайым шыңдап отыру әрі өз күшіңізге сенім арту маңызды мақсаттарға жетуге көмектеседі. Өйткені үлкен жеңіс кішкентай қадамдардан тұрады.
Барлық арманыңыз орындалсын! Бастысы үйде жатпаңыздар!
👥25 қыркүйек — танымал екі актердің туған күні. Бүгін екі мәрте Оскарды, алты рет Алтын глобусты және Эмми сыйлығын иеленген актер Майкл Дуглас 80 жас мерейтойын атап өтеді. Өнер иесі «Человек-муравей”, “Starперцы”, “Уолл-стрит” және “Основной инстинкт” фильмдерімен танымал болды. Майкл өзінен 25 жас кіші актриса Кэтрин Зета Джонстың күйеуі. Бүгін — оның да туған күні. Сондай – ақ бүгін Голливуд тарихындағы алғашқы актер Уилл Смит 56 жасқа толды. Оның тоғыз фильмінің әрқайсы 100 миллион АҚШ долларынан астам қаражат жинады. 2008 жылы Уилл Forbes-тің ең көп жалақы алатын актерлер тізімінде бірінші орынға шығып, бір жыл ішінде 80 миллион доллар табыс тапты. Ол “Оскар” сыйлығын иеленіп, «Король Ричард» фильміндегі рөлі үшін АҚШ киноактерлер гильдиясын және «Алтын глобус» марапатында “Үздік актер» номинациясын иеленді. Сонымен қатар хип-хоп орындаушысы ретінде екі мәрте Грэмми сыйлығының иегері атанды.
Сізге қай актер ұнайды: Майкл Дуглас немесе Уилл Смит?
