👏26 қыркүйекте БҰҰ бастамасымен Халықаралық ядролық қаруды жою күні аталып өтеді. БҰҰ Бас хатшысы Антонио Гутерриш айтқандай: «Ядролық қарудан туындайтын қауіпті жоюдың жалғыз сенімді жолы — қарудың өзін жою». Бүгінгі таңда әлемдегі шиеленісті жағдай мұны тек растайды. 1989 жылы ядролық қарудан өз еркімен бас тартқан бірінші мемлекет Оңтүстік Африка Республикасы болды. 1992 жылы АҚШ-тың көмегімен Қазақстан мен Украина өзінің ядролық арсеналын Ресейге берді. 1994 жылы Беларусь те осындай шешімге келді.
👐26 қыркүйекте Дүниежүзілік контрацепция күні де аталып өтеді. Статистикаға сүйенсек, жыл сайын әлемде 80 миллионға жуық әйел жоспардан тыс жүкті болып, олардың 2 миллионға жуығы түсік жасатуға шешім қабылдайды. Бұл 70 мыңға жуық әйелдің өлімімен аяқталады. Аборттың көпшілігі Қытайда, АҚШ-та және Ресейде жасалады. Ерекше мәселе – жасөспірім кезіндегі жүктілік. Бұл уақытта қыз бала ана болуға физикалық немесе психикалық тұрғыдан дайын болмайды. Сондықтан бұл күннің басты мақсаты – жүктілік қалау еркіндігінен туындауы керек екенін түсіндіру.
🤝Бүгін, бейресми болса да, өте мейірімді және рухани мереке – ескі достардың кездесу күні. Ғылыми фактке сүйенсек, қартайғанға дейін достарымен байланысын сақтап, олармен қарым-қатынасын жалғастырған адамдар “өмірлік жарын” таба алмағандарға қарағанда әлдеқайда ұзақ өмір сүреді. Сондықтан бүгін ескі достарды еске алуға тамаша мүмкіндік. Тіпті олармен кездесуге уақыт тапқаныңыз жөн.
Достың ескісі жақсы екенін естен шығармайық!
👠26 қыркүйек әйгілі екі әйелдің туған күні. 65 жыл бұрын қазақ ақыны және журналисті Марфуға Бектемірова (1958-2013) дүниеге келді. Көптеген поэтикалық жинақтардың авторы Абайдың 150 жылдығына орай Республика ақындары арасында өткен «Мүшәйра» байқауының жеңімпазы атанды. Оның шығармашылық кештері Астана, Қостанай, Торғай және Қырғызстанда бірнеше рет өтті. Өнер иесі Анна Ахматованың өлеңдерінің аудармасымен кеңінен танымал болды. Сондай – ақ бүгін әлемдегі ең танымал теннисшілердің бірі Серена Уильямс 42 жасқа толды. Ол Үлкен Дулыға турнирінде 23 рет жеңіске жетіп, Олимпиададан 4 алтын медаль иеленді. Серена ақшалай қаражаты бойынша әйелдер арасында рекорд орнатты. Спортшы қайырымдылық жобаларына белсенді қатысады. Оның ақшасына Африкада бірнеше мектеп салынып, студенттерге стипендия төленеді.
Сізге қай теннисші ұнайды: Серена Уильямс немесе Мария Шарапова?
