🙏Бүгін Біріккен Ұлттар Ұйымының бастамасымен халықаралық Холокост құрбандарын еске алу күні аталып өтеді. 1945 жылы 27 қаңтарда кеңес әскері Освенцим концлагерінің тұтқындарын азат етті. Кейбір мәліметтерге сүйенсек, Освенцим кезеңінде фашистердің қолынан 1,5 миллионнан 4 миллионға дейін адам қаза тапқан. Бұл күннің басты мақсаты – Холокосттың тағылымы ұрпақ жадында мәңгілік сақталып, болашақта геноцид әрекеттерден алдын алуға үлес қосу.
Сіз осындай бастамаларды қолдайсыз ба?
👀1993 жылы 27 қаңтарда республика астанасы Алма-Ата ресми түрде Алматы деп өзгертілді. 1993 жылы 28 қаңтарда қабылданған Қазақстан Республикасының Конституциясы қала атауының орысша емлесін тарихи қазақ емлесімен Алматыға сәйкестендіріп, қалаға астана мәртебесін берді.
👤27 қаңтарда өмірге құштар адамдар күні аталып өтеді. Мұндай жандар ешқашан мойымайды және мұңаюды білмейді. Себебі олар ерекше күш-қуатқа ие. Сонымен қатар өмірде көп нәрсеге қол жеткізіп, қоғамда зор құрметке ие болып жатады. Сондықтан мансап құрып, дос-жаранның көп болуы үшін ең әуелі өмірге оң көзқарас қалыптастырған жөн. Психологтар оптимист болу пессимист болудан әлдеқайда пайдалы екенін дәлелдеді. Өйткені адам ауруларының көпшілігі психосоматикалық сипатқа негізделеді.
Ендеше барлық оқырманымызға оптимист болуын тілейміз!
👥27 қаңтар — қос тұлғаның туған күні. 269 жыл бұрын ұлы австриялық композитор және виртуоз музыкант Вольфганг Амадей Моцарт (1756-1791) дүниеге келді. Ол әлемдік музыка мәдениетіне зор үлес қосты. Сондай-ақ көптеген шығармасы керемет туынды ретінде танылды. Моцарттың өмірі мен шығармашылығы, оның ерте өмірден өтуінің құпиясы — барлық өнер түрінің суретшілері үшін жемісті тақырыпқа айналды. Өнер иесі көптеген әдебиет, драматургия және кино шығармаларының кейіпкері болды. Оның құрметіне орай 1924 жылы ашылған астероидға композитордың есімі берілді. Сонымен қатар бүгін норвегиялық биатлоншы және шаңғышы Уле-Эйнар 51 жасқа толды. Қысқы спорт түрлері бойынша танымал спортшы Олимпиададан 8 мәрте алтын медаль иеленіп, жиырма дүркін әлем чемпионы және алты дүркін әлем кубогының иегері атанды.
Қазақстандық шаңғышылардың қайсы Олимпиада чемпионы атанды?
