👵Қазан айының төртінші жексенбісінде ер адамдар халықаралық қайын енелер күнін атап өтеді. Бұл бейресми оқиға АҚШ-та 1934 жылдан бастап тойлана бастады. Араға ұзақ уақыт салмай аталмыш мерекені әлемнің көптеген елі ерекше қуанышпен қарсы алатын болды. Бүгін ер-азаматтар қайын енелеріне мақтау сөздерін айтып, сыйлықтарын табыстай алады. Себебі ол жаныңыздағы жан-жарыңызды әлпештеп өсірді, қала берді оны тамаша үй шаруасындағы әйел, адал жар, қамқор ана болуға үйреткен нағыз әйел екенін ұмытпаңыз.
Барлық қайын енелерді бүгінгі мерекемен құттықтаймыз!
🗣2017 жылы 27 қазанда әйгілі «Дударай» әнінің авторы Мария Рекинаның жерленген жері Ақмола облысының киелі картасына енді. Оның қабірі Қорғалжын ауданында Сабынды ауылынан 9 шақырым жерде орналасқан. Әнде қазақ жігіті Дүйсенге ғашық болған орыс қоныс аударушысының қызының махаббаты баяндалады. Бірақ әдет-ғұрып жастардың бақытына кедергі келтіреді. Бір күні Марияға көрші ауылдан құда түсіп келеді. Мұны қабылдай алмай, Мария жазық далаға қашып кетеді. Аңыздарға сәйкес, онда әйгілі «Дударай» әні дүниеге келеді. Туынды әртүрлі ұлттың сүйіспеншілігіне, жылулығына және достық рухына толы.
Сізге «Дударай» әні ұнай ма?
🐻27 қазан — Халықаралық ойыншық аю күні. 1902 жылы АҚШ президенті Теодор Рузвельт аң аулап жүргенде кішкентай аюдың баласына аяушылық танытқан екен. Айтулы тұлғаның бұл әрекеті газет беттеріне басылып шығып, карикатураның пайда болуына себеп болды. Солардың бірі балаларға арналған ойыншықтар сататын дүкен иесінің әйелінің көзіне түседі. Осылайша газеттегі мақала мен әзіл-оспақ мультфильм оны газеттегі суретке ұқсас ойыншық қонжық тігуге шабыттандырды. Олар ойыншықты дүкен терезесіне қойып, “Тедди аю” белгісін қоюды ұйғарды. Ерекше аюдың баласы өтіп бара жатқандардың назарын аударып, дүкеннің жарнамасын жақсы жүргізді. Уақыт өте келе қонжық әлемдегі ең танымал ойыншықтардың біріне айналды.
Бала кезіңізде қонжық аю болды ма?
👥27 қазан — танымал екі скрипкашының туған күні. 242 жыл бұрын тарихтағы ең үздік әрі жұмбақ скрипкашы Никколо Паганини (1782-1840) дүниеге келді. Көптеген деректерде музыкант ұлы скрипкашы атанып, миллиондаған табыс табуы үшін жанын шайтанға сатқаны туралы айтылады. Өнер иесі сұсты келбетке ие болғанымен, әйелдер қауымының сүйіктісіне айналды. Ол скрипкада ойнай бастағанда тыңдармандарының көзі тек музыкантта болатын. Алайда қайтыс болғаннан кейін ол күпірлікпен айыпталды. Оның денесі 56 жылдан кейін ғана жерленді. Сонымен қатар бүгін британдық скрипкашы, композитор, шаңғышы және әнші Ванесса Мэй 46 жасқа толды. Ол “Эстрадалық скрипка” стилін ашып, классикалық композицияларда заманауи өңдеулерді қолданатын алғашқы скрипкашылардың бірі ретінде танылды.
Қазақ скрипкашыларының қайсысын білесіз?
#күнтізбе #27қазан #ене
