🙏28 қаңтар — Халықаралық жеке деректерді қорғау күні. Бұл күн адамдарға интернеттегі, әсіресе әлеуметтік желілердегі жеке мәліметтерді қорғаудың маңыздылығын еске салады. Қазіргі таңда технология күн сайын дамып келеді. Соған байланысты жұмыс топтары жаңа қауіптерге қарсы заманауи әдістерді әзірлеп жатыр. Жеке мәліметтерді қорғауға аса жауапкершілікпен қарау қажет, себебі алаяқтардың әрекет ету тәсілі күннен-күнге күрделеніп келеді.
Жеке ақпаратыңызды бөлісу кезінде сақ болыңыз!
💪Бүгін — Дүниежүзілік жұмыссыздар күні. Бұл күн жұмыссыз жандарды құттықтау үшін емес, мемлекет пен қоғамның назарын осы мәселеге аударуға арналған. Елімізде жұмысшылардың тапшылығына қарамастан, өткен жылдың соңында Қазақстандағы жұмыссыздар саны 450 мың адамға жуықтады. Олардың арасында өздеріне жұмыс іздемегендері де бар.
Барлық оқырманымызға тұрақты жұмыс пен жоғары табыс тілейміз!
👀28 қаңтар — Халықаралық LEGO күні. LEGO Group компаниясы 1932 жылы дат шебері Оле Кирк Кристиансеннің бастамасымен ағаш ойыншықтар шығаратын кәсіп ретінде құрылған. Компания атауы “leg godt” деген ұраннан алынған, бұл “жақсы ойнау” деген мағынаны білдіреді. Бүгінгі күні балалардың смартфондарға әуестенуімен, конструкторлардың маңызы арта түсті. Олар баланың ұсақ моторикасын, зейінін, шыдамдылығын, қиялын, ойлау қабілетін дамытып, соңғы нәтижеге жеткен кезде өз-өзіне деген сенімділігін арттырады.
Сізге LEGO конструкторлары ұнай ма?
👥28 қаңтар — танымал қос тұлғаның туған күні. Бүгін америкалық актер Элайджа Вуд 44 жасқа толды. Көптеген беделді кәсіби марапаттардың иегері мансап жолында 60-тан астам фильмге түсті. Өнер иесі Фродо Бэггинстің «Властелин колец» трилогиясындағы рөлімен танымал. Сонымен қатар бүгін қазақ актрисасы әрі әнші Кәмшат Жолдыбаева 37 жасын атап өтеді. КешYOU тобында өнер көрсеткен әнші жанкүйерлерінің ерекше сүйіспеншілігіне бөленді. Сондай-ақ жеке әнші ретінде өзін қалыптастыра алды. Ол көз тартар келбетке және ерекше вокалдық қабілетке ие, әрі актерлік мансабында да үлкен жетістіктерге жетті. Мәселен, бұған дейін жеті фильмде төбе көрсетті.
