🐯29 шілде — Халықаралық жолбарыс күні. Бүгінгі таңда бұл әдемі үлкен мысықтар браконьерлердің құрбаны болып, жойылып кету қаупінде тұр. Бізге белгілі тоғыз жолбарыс түрінің тек алтауы ғана сақталған. Тұран жолбарыстары да бұрын Қазақстанда өмір сүрген. Бірақ ресми деректерге сүйенсек, олар 1948 жылға қарай жойылып кеткен. Ал 2017 жылы Қазақстанда Балқаш көліне құятын Іле мен басқа да өзендерге жолбарысты реинтродукциялау бағдарламасы іске қосылды.
Қазақстанда өз жолбарыстарын қалпына келтіргіңіз келе ме?
💫1936 жылы 29 шілдеде Ақтөбенің 11 ауданынан және Қарағанды облысының бір ауданынан Қостанай облысы құрылды. Облыс аумағы 196 мың шаршы метрді құрайды. Бұл Венгрия мен Австрияны қосқан кездегі аумақтан да көп. Онда пайдалы қазбалар мен минералды шикізаттың 400-ге жуық кен орны барланған. Оның ішінде 68 жерасты суы, 19 боксит, 7 алтын және күміс пен никель кен орындары ашылды. Қостанай облысының халқы 883,9 мың адамды құрайды.
Қостанай облысының барша тұрғынын бүгінгі мерекемен шын жүректен құттықтаймыз!
🫕29 шілдеде тағам әуесқойлары халықаралық лазанья күнін атап өтеді. Көпшілік мұны жай ғана еттен жасалған бәліш немесе қатпарлы қамыр деп ойлайды. Алайда әсте олай емес. Себебі бұл итальяндық пастаның бір түрі болып есептеледі. Лазанья дәстүрлі түрде тартылған ет қосылған жұқа қамырдан, бешамель сүтті соусынан және пармезан ірімшігімен дайындалады. XIII ғасырға жататын аспаздық кітаптарда лазаньяға арналған көптеген мәзірдің түрі болған. Кейіннен бұл тағам Италияда ғана емес, бүкіл әлемге танымал болды.
Сіздің сүйікті итальяндық тағамыңыз қандай?
🎤1990 жылы 28 шілдеде Алматыдағы «Медеу» мұз айдынында бірінші халықаралық «Азия дауысы» фестивалі басталды. 1993 жылы «Азия дауысы» халықаралық федерациясының мүшелігіне қабылданып, 1994 жылы Францияның Канн қаласында әлемдік шоу-бизнестің арнайы жүлдесін жеңіп алды. 1996 жылдан бастап фестиваль аясында «Алтын домбыра» қазақстандық әндер байқауы өтіп, оны Мақпал Жүнісова, Нағима Есқалиева және Роза Рымбаева жеңіп алды. Жыл сайын фестивальге қонақ ретінде әлемдік жұлдыздар келеді. Атап айтатын болсақ, Бони М, Патрисия Каас, Тото Кутуньо, Митхун Чакраборти және т.б. Биыл 19 жылдық үзілістен кейін «Азия дауысы» Медеуге қайта оралды.
Ал сіз бүгін «Азия дауысы» концертіне барасыз ба?
