👀5 қаңтар — Халықаралық жеңіл тамақтану күні. Бұл мереке жаңа жылдан кейін ағзаны демалдыру мақсатында аталып өтеді. Көп жағдайда адамдар бірнеше күн тамақтану нәтижесінде 3-5 килограмм салмақ қосып алады. Алайда белсенді өмір салтын ұстанып, спортпен шұғылданатындар артық салмақтан қорықпайды. Ал кейбір жандар ұзақ уақыт бойы артық салмақпен арпалысып жүр. Сондықтан семіздік пен артық салмақпен күрес аясында осы күн арнайы мереке есебінде белгіленді.
Ендеше денсаулық пен үйлесімділік жолында сәттілік тілейміз!
🤩2009 жылдың 5 қаңтарынан бастап Қазақстанда соңғы бетінде көзге көрінбейтін электронды чипі бар биометриялық төлқұжаттар беріле бастады. 2022 жылы ел азаматтары үкіметтің бақылауынан қашып, шетелге шыққан соң төлқұжаттың артқы мұқабасын жыртып жатқан видеолары тарады. Бірақ Ішкі істер министрлігі бұл ақпаратты жоққа шығарып, чипте тек келесі мәліметтер бар екенін айтты. Мұнда адамның аты-жөні, жынысы, туған күні мен жері, азаматтығы, төлқұжат нөмірі, құжаттың берілген күні мен жарамдылық мерзімі, ЖСН, фотосуреті және қолтаңбасы көрсетіледі. Электронды биометриялық төлқұжат Қазақстаннан басқа әлемнің 17 елінде жұмыс істейді.
👏5 қаңтарда Қазақстан кинотеатрларында «Алмас қылыш» фильмі көрерменге жол тартты. Туынды Ілияс Есенберлиннің «Көшпенділер» трилогиясы негізінде түсірілді. Сонымен бірге Қазақ хандығының 550 жылдығын мерекелеудің бастамасы болып, «Қазақ елі» жобасының бір бөлігіне айналды. Фильмнің режиссері — Рүстем Әбдірашев. Тарихи туынды қазақ және орыс тілдерінде жарық көрді. Мұнда жоңғар және солтүстік моңғол диалектілері де қолданылды.
Фильмді YouTube арнасынан тегін тамашалауға болады.
👥5 қаңтар — қос тұлғаның туған күні. 108 жыл бұрын қазақ жазушысы, ғалым, педагог Қайым Мұхамедханов (1916-2004) дүниеге келді. Ол Қазақ КСР-нің алғашқы Мемлекеттік Әнұран мәтінінің авторы. 1940 жылы Семейде Абай мұражайын құрды. Педагог тарихымызда көптеген адамның қалыптасуында үлкен рөл атқарды. Сондай — ақ бүгін америкалық актер, продюсер, режиссер және әнші Брэдли Купер 50 жас мерейтойын атап өтеді. Грэмми сыйлығының лауреаты «Мальчишник в Вегасе” және “Афера по-американски” фильмдеріндегі рөлімен әлемге әйгілі болды. Қала берді «Стражей Галактики” фильмінде Ракета ролін сомдап, ерекше көзге түсті. 2013 жылы Peopl журналы бойынша ең сымбатты әрі тартымды ер адам атанды.
