👨🏫5 қазан — Мұғалімдер күні. Бұған дейін аталмыш мереке қазан айының бірінші жексенбісінде тойланып келді. Енді ол Дүниежүзілік мұғалімдер күнімен қатар аталып өтеді. Көптеген көрнекті қайраткер білім беру үдерісіне үлкен үлес қосты. Мәселен, Әл-Фараби тек ғылыми еңбектерімен ғана емес, Шығыстағы педагогиканың негізін қалаушы ретінде де танымал болды. Абай Құнанбаев адамгершілік пен отаншылдыққа тәрбиелеуге ерекше назар аударды. Қазақ білім беру жүйесін құрған Ыбырай Алтынсарин тек білімді халық әділдік үшін күресіп, жарқын болашақ құра алатынын айтты. Бүгінде Қазақстанда мектепке дейінгі, орта, техникалық және кәсіптік білім беру саласында 550 мыңнан астам педагог жұмыс істейді.
Алғашқы мұғаліміңіздің есімі есіңізде ме?
💄5 қазан — Халықаралық жезөкшелікке қарсы күрес күні. Бүгінде өзін-өзі бағалауы төмен 40 миллионға жуық қыз-келіншек осы салада жұмыс істейді. Тіпті бұл бизнес заңдастырылған елдердің өзінде де жезөкшелер үйі көп жағдайда есірткі ұялары мен заңсыз құмар ойын мекеніне айналған. Міне, сол себепті жезөкшелік үнемі қылмыспен, оның ішінде адам саудасы және педофилиямен байланысты екенін білдіреді.
🫴1921 жылы 5 қазанда Лондонда ПЕН-клуб құрылды (PEN ағылшын тілінен аударғанда «қалам» деген мағынаны білдіреді). Бұл ұйым жазушылар, ақындар, журналистердің белсенді тобын біріктіріп, өз көзқарастары үшін зардап шеккен және билік тарапынан қудалауға ұшыраған, не қиын өмірлік жағдайға тап болған әдебиет өкілдеріне қолдау көрсетуді мақсат етті. Аталмыш идеяны халықаралық қауымдастық қолдап, әлемнің әр елінде, соның ішінде Қазақстанда да ПЕН клубтар пайда бола бастады.
Егер оқырмандарымыздың арасында жас жазушылар болса, осы ұйымның көмегіне жүгіне алатынын еске саламыз.
👥5 қазан — танымал екі адамның туған күні. 104 жыл бұрын қазақ ақыны және қоғам қайраткері Жұбан Молдағалиев (1920-1988) дүниеге келді. 100-ден астам лирикалық өлеңдер мен 15 поэманың авторы, бірнеше жыл Қазақстан Жазушылар Одағын басқарды. Оның шығармалары көптеген шет тіліне аударылған. Туған жері Оралда оның құрметіне облыстық кітапхана мен мектеп аталып, ескерткіш орнатылған. Сондай – ақ бүгін британдық театр және кино актрисасы Кейт Уинслет 49 жасқа толды. «Оскар», «Грэмми», «Алтын глобус» және «Эмми» сыйлықтарының иегері «Титаник» фильмінде басты рөлді сомдағаннан кейін бүкіл әлемге танымал болды.
Сіз «Титаник» фильмін қанша рет тамашаладыңыз?
