«Үйде жатпа» күнтізбесі. 6 қыркүйек: Есімдер, мерекелер, оқиғалар

Автор: редактор 06 Қыркүйек, 2023


👏6 қыркүйек бір істі кейінге қалдыруға қарсы күрес күні аталып өтеді. Яғни, тапсырмаларды орындауды немесе шешім қабылдауды кешіктіру әдетін атап айтуға болады. Бұл құбылыс өмірді едәуір қиындатып, адамды созылмалы күйзеліске ұшыратып, басқалардың наразылығы мен ашуын тудыруы мүмкін. Кейінге қалдыруға қарсы күресте ең бастысы – жоспарлау. Сонымен қатар істерді маңыздылығы мен жеделдігі бойынша санаттарға бөлуді үйрену.

Біздің арнаны оқыңыз, біз сізге өз ісіңізді қалай жақсы жоспарлауға болатыны жайлы кеңестермен бөлісеміз!

👀1925 жылы 6 қыркүйекте «Таң» журналында Әлихан Бөкейханов жүргізген «Қобыланды» эпосының алғашқы зерттеуі жарияланды. Эпостың нұсқалары IX ғасырдан XVIII ғасырға дейін батырдың өмірінің бес кезеңін көрсетеді. Бірақ ол шын мәнінде XV ғасырда Әбілқайыр хан тұсында және Қазақ хандығының құрылуы кезінде өмір сүрген. Осы тарихи ескерткіштің сақталуы мен дамуына көптеген жыраулар қатысты. Белгілі жазушы Әбіш Кекілбаев: «Егер біз қазақ ұлты ретінде сақталғымыз келсе, тарихи тамырларымызды терең зерделеуіміз керек», – деп атап өтті.

Сіз тағы қандай қазақ эпостарын білесіз?

📖1985 жылы 6 қыркүйекте “Богатырь” әлемдегі ең ірі көмір кеніші ретінде Гиннестің рекордтар кітабына енді. Мұнда 1985 жылы ең жоғары жылдық өнімділік – 56,8 млн тонна көмір өндірілді. Бұл көрсеткіш әлі күнге дейін жаңарған жоқ. “Богатырь” көмір кеніші Екібастұз қаласындағы ірі кәсіпорын. Онда 6,5 мыңға жуық адам жұмыс істейді.

Егер осы кәсіпорында жұмыс істейтін таныстарыңыз болса, оларды осы айтулы күнмен құттықтап қойыңыз.

👥6 қыркүйек танымал екі өнер адамының туған күні. Бүгін қазақ эстрадасының танымал әншілерінің бірі, тележүргізуші әрі кәсіпкер Нұрлан Абдуллин 59 жасқа толды. Нұрлан өнер жолында 9 альбом шығарды. Қазақстанның еңбек сіңірген қайраткері “Азия дауысы” және “Жас қанат” фестивалінің дипломанты атанды. Сонымен қатар бүгін британдық актер Идрис Эльба 51 жасын атап өтеді. Британ империясы орденінің кавалері мансап жолында 50-ден астам фильмде ойнады. Олардың көпшілігі блокбастерге айналды.

Сізге Нұрлан Абдуллиннің қай әні ұнайды?