🎖Бүгін – Қазақстан Республикасының Отан қорғаушылар күні. Сонымен қатар бұл күнді “ерлер мерекесі” деп те атайды. 1992 жылы 7 мамырда Президент Жарлығымен еліміздің Қарулы Күштері құрылып, 2012 жылдан бастап мереке күні болып бекітілді. Бұл күні Отанды қорғап, ел тыныштығын қамтамасыз етіп жүрген әскери қызметкерлерді құттықтау дәстүрге айналған. Ескере кету керек, әскерде қызмет ететін әйел адамдар да бар. Олардың көпшілігінде тіпті офицерлік шен бар.
Бүгін ер-азаматтарымыз қандай сыйлық алады екен?
💫Бүгін – Халықаралық планетарийлер күні. Мерекенің мақсаты – жұртшылықты планетарийлердің қызметімен таныстыру және астрономиялық білімді насихаттау. 1925 жылы 7 мамырда Германияда әлемдегі алғашқы планетарий ашылды. Қазіргі уақытта әлемде екі мыңнан астам планетарий бар. 1967 жылы Қазақстанның Ақтөбе қаласында бірінші стационарлық планетарий ашылды. Бұл – қазіргі уақытта астрономиялық білім мен астронавтиканы танымал ететін жетекші орталық.
Жұлдыздарды тамашалағанды ұнатасыз ба?
🕺1887 жылы 7 мамырда америкалық Томас Стивенс велосипедпен әлем бойынша алғашқы саяхатын аяқтады. Ол шамамен 20 мың шақырым жол жүріп, үш жылдан аса уақыт жолда болды. Бүкіл әлем бойынша сапары барысында Стивенс өзінің саяхат жазбаларын Harper’s Magazine журналына жіберді, ол кейінірек 1000 беттен тұратын екі томдық “Велосипедпен әлемді саяхаттау” кітабында жарияланды. Стивенстің велосипеді Екінші дүниежүзілік соғысқа дейін мұражайда сақталды. Алайда ол соғысқа қолдану мақсатында істен шықты.
Велосипедпен алыс сапарларға шыға аласыз ба?
Сонымен қатар бүгін дүниежүзілік көңіл көтеру күні аталып өтеді. Күлкінің жақсы екенін бәрі біледі. Алайда оның күнделікті өмірде денсаулығымыз бен әл-ауқатымызды жақсартуда қаншалықты құнды екенін түсінетіндер аз. Алғашқы мерекені 1998 жылы Мумбайда доктор Катира ұйымдастырды. Оның қатарына Үндістанның түкпір-түкпірінен, тіпті шетелден арнайы келген ізбасарлары қосылды. Осылайша 2000 жылы Данияның астанасына 10 мыңнан астам адам жиналады. Олар Копенгагеннің орталық алаңына жиналып, бір толқында күлді. Бұл оқиға тіпті Гиннестің рекордтар кітабына да енген.
