😍2007 жылы 7 шілде XXI ғасырдағы «Әлемнің жеті кереметінің» тізімі белгілі болды. Әлемнің ең үздік архитектуралық құрылымдарына интернет, телефон және SMS арқылы дауыс берді. Олар: Колизей (Рим, Италия), Ұлы Қытай қорғаны, Мачу-Пикчу (Перудағы көне қала), Петра (Иорданиядағы көне қала), Тәдж-Махал кесенесі (Агра, Үндістан), Құтқарушы Христос мүсіні (Рио-де-Жанейро, Бразилия), Чичен-Ица (Мексикадағы Майя мәдени орталығы). Өкінішке қарай, аталмыш тізімге Бостандық мүсіні (Нью-Йорк, АҚШ), Айя София (Стамбул, Түркия), Эйфель мұнарасы (Париж, Франция), Мысыр пирамидалары және басқа да көптеген атақты ғимарат кірген жоқ.
Сіз қай архитектуралық құрылымға дауыс берер едіңіз?
☺️7 шілде — Дүниежүзілік кешірім күні. Байқасаңыздар, ішінде реніш пен ашуы бар адам жиі күйзеліске ұшырайды. Мұндай кезең қан қысымының жоғарылауына, алаңдаушылыққа, депрессияға және емдеуге қиын басқа да психологиялық жарақаттарға әкеледі. Кінәлілерді кешіру және өз қателігін мойындау психиканы деструктивті жүктемеден арылта алады. Бұл күнді түрлі келеңсіз жайттардан бас тартуға, адамдармен қарым-қатынасты қалпына келтіру себебі ретінде пайдаланыңыз.
🪪1891 жылы 7 шілдеде American Express заманауи несие карталарының прототипі ретінде қызмет ететін жол чегін патенттеді. American Express жол чектері $100, $50, $20 және $10 номиналдарында шығарылды. Клиент жалған ақша жасаудан қорғану үшін чекті сатып алу кезінде оның жоғарғы бұрышына қолтаңбасын қойып, қолма-қол ақша жасау кезінде қолтаңбасын көшіреді. Алғашында бұл жаңашылдыққа сенімсіздік болды. Бірақ бүгінде жол чектерін пайдалану бүкіл әлемде, соның ішінде Қазақстанда да үйреншікті жағдайға айналды.
🎤2013 жылдың 7 шілдесінде K-pop бағыты бойынша әлемге танымал ВТЅ тобы құрылды. Топ жеті адамнан құралған. Олар: RM (топ жетекшісі), Чин, Суга, Дж-Хоуп, Чимин, В және Чонгук. 2017 жылы BTS Billboard Music Awards сыйлығында «Үздік әлеуметтік медиа әртісі» жүлдесін жеңіп алып, әлемдік музыка сахнасындағы үздік корей топтарының біріне айналды. 2020 жылы BTS Оңтүстік Корея тарихындағы сатылымы жоғары топ атанды. Өткен жылы олар мансаптық үзіліс алғандарын жариялады.
Қазақтың қандай K-POP тобын білесіз?
