👩⚕️Қазан айының бірінші дүйсенбісінде Халықаралық дәрігерлер күні аталып өтеді. Ежелден келе жатқан кәсіп әрқашан жоғары құрметке бөленіп келеді. Қазіргі таңда ақ халатты абзал жандар жұмыс барысында өткен ғасырдағы мамандардың үлкен білімі мен орасан зор тәжірибесіне сүйенеді. Соның арқасында адамдар қаншама аурудан айықты. дәрігерлердің өте күрделі әрі салмақты жұмыс атқарып жүргенін әрдайым есте ұстаған жөн. Өйткені олар әлемдегі ең құнды нәрсе — адам өміріне жауапты.
Егер таныстарыңыздың арасында дәрігерлер болса, оларды мерекесімен құттықтауды ұмытпаңыз!
🦵7 қазанда лайық еңбегі үшін Дүниежүзілік іс-қимыл күні аталып өтеді. Бұл күні әлемдегі кәсіподақтар бірлесе отырып барлық жұмысшыны лайық еңбекпен қамтамасыз етуді қолдайды. Себебі аталмыш әрекет әлеуметтік тұрақтылықтың, әлеуметтік өсудің және елдердің тұрақты дамуының кепілі. Есіңізде болсын, егер сіз заңсыз жұмыстан шығарылсаңыз немесе жұмыстан кетуге мәжбүр болсаңыз, жалақысыз қосымша жұмыс істеуге мәжбүр болсаңыз немесе демалыс құқығынан айырылсаңыз, сіз әрқашан жұмыс берушінің үстінен шағым түсіре аласыз.
Барша оқырманымыз сүйікті жұмысымен айналысып, жоғары жалақыға ие болсын!
🗣1999 жылдың 7 қазанынан бастап Берлин көшелерінің бірі Абай Құнанбаевтың есімімен аталды. Қазақтың ұлы жазушысы және ағартушысы әлемнің көптеген тіліне аударылған Мұхтар Әуезовтің “Абай жолы” романының арқасында Германияда танымал болды. Неміс жұртшылығы да Абайдың аудармашы қызметін жоғары бағалады. Соның арқасында қазақтар Гете шығармаларын ана тілінде оқуға мүмкіндік алды. Абай-штрассе көшесі Қазақстанның Германиядағы Елшілігінің жанында орналасқан.
👥7 қазан — танымал екі адамның туған күні. Бүгін актер, режиссер, Қазақстанның Халық әртісі Досхан Жолжақсынов 73 жасқа толды. Көптеген кәсіби әрі мемлекеттік марапаттардың иегері мансап жолында театр және кинода 200-ден астам рөлді сомдады. Оның жұмысы шынайы сезіммен, шыншылдығымен және темпераментімен ерекшеленеді. Өнер иесі халық және заманауи композиторлардың әндерін жиі орындайды. Сондай-ақ бүгін Ресей Федерациясының президенті Владимир Путин 72 жасын атап өтеді. 2022 жылы ол ішінара мобилизация жарияланғаннан кейін Қазақстанға 400 мыңнан астам ресейлік кірді. Олардың шамамен 80 мыңнан астамы елімізде тұрақтап қалды. Осы уақытта ХҚКО жұмысындағы жүктеменің артуына байланысты шетелдіктерге қызмет көрсету үшін қосымша орындар ашылған еді.
Владимир Путиннің туған күніне не тілер едіңіз?
